पर्वत । पर्वतको मोदी गाउँपालिकामा भ्रस्टाचार नियन्त्रण तथा सुशासन प्रवद्र्धन सम्बन्धि अन्तरक्रिया कार्यक्रम सम्पन्न भएको छ ।
अख्तियार दुरुपयोग अनुसन्धान आयोगको कार्यालय पोखराको आयोजनामा भ्रष्टाचार, नियन्त्रण र सुशासन प्रवद्र्धन सम्वन्धि विविध विषयमा छलफल गरिएको हो । सो अवसरमा कार्यालयद्धारा भ्रष्टाचार हुने र हुनसक्ने विभिन्न आयोजना, भ्रष्टाचारका प्रकृति लगायतका बारेमा जानकारी गराएको थियो ।

कार्यक्रममा अख्तियार दुरुपयोग अनुसन्धान कार्यालय पोखराका प्रमुख नारायणप्रसाद रेग्मीले भ्रष्टाचार नियन्त्रणका लागि सम्पुर्ण नागरिकहरुले राज्यका निकायहरुमा खबरदारी गर्नुपर्ने बताउनुभयो । राज्यका जुनसुकै कामहरुपनि पारदर्शि हुनुपर्ने बताउँदै जवसम्म पारदर्शिता हुँदैन तबसम्म सुशासन ल्याउन नसकिने बताउनुभयो । जनप्रतिनिधि, कर्मचारी र नागरिकहरु सवै जिम्मेवार हुनुपर्नेमा उहाँको जोड थियो ।

सो अवसरमा पालिकाका विभिन्न गतिविधिहरुप्रति नागरिकहरुले गुनासो राखेका थिए । नागरिकका गुनासोको गाउँपालिका अध्यक्ष हिरादेवी शर्मा, प्रमुख प्रशासकिय अधिकृत बाबुराम पुरी लगायत वडा अध्यक्षहरुले जवाफ दिनुभएको थियो ।

लाेक कल्याणकारी