१पर्वतकाे कुस्ममा ईभी माइक्रो दुर्घटना हुँदा १० जना घाईते
२पोखराको चिप्लेढुंगामा लाइभ भिन्टेज डेनिमको ११ औं शाखा सञ्चालनमा
३निजी विद्यालयको सुकुमवासीका बालबालिकालाई नि:शुल्क पढाउने घोषणा
४अध्यादेशसँगै १ सय १० संस्थाका १५९४ पदाधिकारीहरू एकसाथ पदमुक्त
५प्रदेशले किन्यो आमा…!
६अब जग्गा रोक्का र फुकुवा बैंकबाटै, मालपोत कार्यालय जानै नपर्ने
७हेमजा युनाइटेडको आठौँ साधारण सभा सम्पन्न, भित्ते-पात्रो विमोचनसँगै खेलाडी सम्मान
८सम्बन्धविच्छेद गरे पनि परिवारै मानेर सहकारी ठगीमा संलग्नको सम्पत्ति जफत गरिने
९पर्यटन बोर्ड पुनर्गठन गर्न टान गण्डकीको माग
१०रोल्पाको जलजला जिप दुर्घटनामा १७ जनाको मृत्यु
११पर्वतमा जिल्ला स्तरीय दौड प्रतियोगिता हुने
१२देशभर अतिक्रमित क्षेत्रका संरचनामा डोजर चल्दैछ
१स्पेनमा आध्यात्मिक मेला: नेपाल घर निर्माणका लागि १२८,२४४.३४ युरो संकलन
२सपना देख्न बिर्सिएको मान्छे, जहाँ सपनाहरू अस्ताउँछन्
३संचारिका समूह गण्डकीको अध्यक्षमा राधिका कडेल
४सहकारीका शेयर सदस्यलाई मौरी घार वितरण
५जलजला गाउँपालिकाको २० औँ गाउँ अधिवेशन सम्पन्न
६प्रधानमन्त्रीको सम्बोधन विनै सकियो संसद्को पहिलो अधिवेशन
७श्रममन्त्री साह पदमुक्त
८कारबाही रोकिँदैन, डगमगाइँदैन : गृहमन्त्री गुरुङ
९महेन्द्र मावि, घार्मीमा नयाँ शैक्षिक सत्रका लागि योजना तर्जुमा
१०इरानी सेनाको कब्जामा रहेका नेपाली युवा अमृत झा रिहा
११नयाँ शैक्षिकसत्र : विद्यार्थी भर्ना वैशाख १५ र पठनपाठन २१ गतेबाट
१२अब्बल कपिलवस्तु प्राविधिक प्रतिष्ठानः ९० प्रतिशत विद्यार्थी उत्तीर्ण
पर्वत ।“कुष्ठरोगको छ ओखती, सामाजिक लाञ्छना र विभेद मुख्य चुनौती” भन्ने मूल नाराका साथ पर्वतमा ७३औँ विश्व कुष्ठरोग दिवस मनाइएको छ।
दिवसको अवसरमा प्रदेश जनस्वास्थ्य कार्यालय पर्वतको आयोजनामा पत्रकार अन्तरक्रिया कार्यक्रम सम्पन्न भएको हो। कार्यक्रममा प्रदेश अस्पताल पर्वतका कन्सल्टेन्ट फिजिसियन डा. मिलन अवाले नेपालमा कुष्ठरोगको वर्तमान अवस्था, यसको संक्रमण, उपचार तथा निवारणका विषयमा जानकारी गराउनुभयो।
डा. अवालेका अनुसार नेपालले २०६६ सालमा राष्ट्रिय स्तरमा कुष्ठरोग निवारणको घोषणा गरेको थियो। प्रति दश हजार जनसंख्यामा एक जनाभन्दा कम कुष्ठरोगी रहेको आधारमा नेपाललाई कुष्ठरोग निवारण भएको देश घोषणा गरिएको हो। तथापि, तराईका केही जिल्ला तथा पहाडी क्षेत्रमा अझै पनि कुष्ठरोगी भेटिने गरेको उहाँले बताउनुभयो।
पर्वत जिल्लाको तथ्यांक हेर्दा पछिल्ला वर्षहरूमा कुष्ठरोगीको संख्या घट्दै गएको देखिएको छ। यो रोग मानिसबाट मानिसमा श्वास–प्रश्वास (Droplet Infection) तथा सिधा सम्पर्कबाट सर्ने गर्दछ। हालसम्म यो रोग अन्य जनावरमा सरेको प्रमाण नपाइएको जानकारी दिइएको छ।
रोगको प्रारम्भिक चरणमै पहिचान गरी बहुऔषधि उपचार (Multi Drug Treatment – MDT) गरेमा कुष्ठरोग पूर्ण रूपमा निको हुने, अपाङ्गता नहुने र अरूलाई संक्रमण नहुने डा. अवालेले स्पष्ट पार्नुभयो।
प्रदेश जनस्वास्थ्य कार्यालय पर्वतका अनुसार गत आर्थिक वर्षमा जिल्लामा ४ जना कुष्ठरोगी फेला परेका थिए भने चालु आर्थिक वर्षको पौष मसान्तसम्म २ जना नयाँ कुष्ठरोगी पहिचान भएका छन्।
कार्यक्रममा बोल्दै जिल्ला समन्वय समिति पर्वतका प्रमुख विष्णुराम विकले कुष्ठरोगीप्रति समाजमा अझै पनि नकारात्मक दृष्टिकोण रहेको उल्लेख गर्नुभयो। सामाजिक लाञ्छना र विभेदका कारण कतिपय संक्रमित व्यक्तिहरूले रोग लुकाएर बस्ने गरेको बताउँदै उहाँले कुष्ठरोगीहरूप्रति सम्मानजनक व्यवहार गर्न सबैलाई आग्रह गर्नुभयो।
जनस्वास्थ्य कार्यालय पर्वतका प्रमुख बद्रिराज आचार्यको अध्यक्षतामा सम्पन्न कार्यक्रममा नेपाल पत्रकार महासंघ पर्वत शाखाका अध्यक्ष लक्ष्मण सापकोटा लगायत जिल्लामा क्रियाशील पत्रकारहरू तथा स्वास्थ्य कार्यालयका कर्मचारीहरूको उपस्थिति रहेको थियो।
कार्यक्रमको सञ्चालन परिवार नियोजन सुपरभाइजर नारायणप्रसाद रेग्मीले गर्नुभएको थियो भने स्वागत मन्तव्य कुष्ठरोग फोकल पर्सन तेजप्रसाद सुवेदीले राख्नुभएको थियो।
प्रतिक्रिया