पर्वत । भेटेरिनरी अस्पताल तथा पशु सेवा कार्यालय पर्वतको आयोजनामा पशु बधशाला, मासु जाँच तथा पशु कल्याणसम्बन्धी अभिमुखीकरण कार्यक्रम सञ्चालन भएको छ । कार्यक्रम पशुपन्छी अनुसन्धान विकास तथा प्रशिक्षण केन्द्र गण्डकी प्रदेशका महानिर्देशक डा. बालकुमार श्रेष्ठको प्रमुख आतिथ्यता तथा वरिष्ठ पशु विकास अधिकृत शम्भुराज पाण्डेको विशिष्ट आतिथ्यतामा भएको हो ।

कार्यक्रममा प्रदेश जनस्वास्थ्य कार्यालय पर्वतका प्रमुख बद्री आचार्य, जिल्ला प्रशासन कार्यालयका प्रतिनिधि भरत सापकोटा, कुश्मा नगरपालिका पशु सेवा शाखाका डा. प्रदीप भण्डारी र डा. रूपक कँडेल, गैरसरकारी संस्थाहरूको महासंघका अध्यक्ष, पत्रकार महासंघका अध्यक्ष, उपभोक्ता संघका अध्यक्ष, मासु व्यवसायी, बधशाला सञ्चालक, व्यावसायिक पशुपन्छी पालक कृषक तथा अन्य सरोकारवालाहरूको उल्लेखनीय उपस्थिति रहेको थियो ।

कार्यक्रममा पशु बधशाला तथा मासु जाँचसम्बन्धी कार्यपत्र महानिर्देशक डा. बालकुमार श्रेष्ठले प्रस्तुत गर्नुभयो । असल अभ्यास तथा पशु कल्याणसम्बन्धी कार्यपत्र वरिष्ठ पशु विकास अधिकृत शम्भुराज पाण्डेले प्रस्तुत गर्नुभयो । कार्यक्रमको अध्यक्षता भेटेरिनरी अस्पताल तथा पशु सेवा कार्यालय पर्वतका प्रमुख सुरेश कुमार श्रेष्ठले गर्नुभएको थियो भने कार्यक्रमको सञ्चालन पशु स्वास्थ्य प्राविधिक प्रकाश परियारले गर्नुभएको थियो ।

कार्यक्रमले सुरक्षित, स्वस्थ र गुणस्तरीय मासु उत्पादन तथा उपभोक्ता स्वास्थ्य सुरक्षामा टेवा पुग्ने विश्वास व्यक्त गरिएको छ ।

लाेक कल्याणकारी