पर्वत । लायन्स क्लब अफ शिवालय पर्वत र लायन्स क्लब अफ अलपेश्वर पर्वतको आयोजनामा, हिमालय आँखा अस्पताल पोखरा र प्रदेश अस्पताल कुश्मा पर्वतको प्राविधिक सहयोगमा आयोजित निःशुल्क आँखा शिविर तथा मोतियाबिन्दु शल्यक्रिया कार्यक्रम सफलतापूर्वक सम्पन्न भएको छ ।

पौष २३ गतेदेखि २५ गतेसम्म प्रदेश अस्पताल कुश्मा पर्वतमा सञ्चालन भएको उक्त शिविरमा ६ सय जना बिरामीले आँखा परीक्षण गराएका छन् । परीक्षण गरिएका बिरामीमध्ये ७३ जनाको मोतियाबिन्दुको सफल शल्यक्रिया गरिएको आयोजकले जनाएको छ । शल्यक्रिया गरिएका बिरामीहरूको आँखाको पट्टी पौष २६ गते खोलिएसँगै कार्यक्रम औपचारिक रूपमा समापन गरिएको हो ।

कार्यक्रम समापन समारोहमा प्रमुख अतिथिका रूपमा लायन्स इन्टरनेशनल डिष्ट्रिक्ट ३२५ के का डिष्ट्रिक्ट गभर्नर दुर्गा प्रसाद हुमागाईंको उपस्थिति रहेको थियो । उनले यस्तो सामाजिक तथा मानवीय सेवामूलक कार्यक्रमले समुदायको स्वास्थ्य सुधारमा महत्वपूर्ण योगदान पु¥याउने उल्लेख गर्दै आयोजक संस्थाहरूको प्रशंसा गरे ।

लायन्स क्लब अफ अलपेश्वर पर्वतका चार्टर प्रेसिडेन्ट विष्णु प्रसाद सुवेदीले कार्यक्रम सफल बनाउन महत्वपूर्ण भूमिका निर्वाह गर्ने हिमालय आँखा अस्पताल पोखराको चिकित्सक टोली तथा व्यवस्थापनमा सहयोग पु¥याएकोमा प्रदेश अस्पताल कुश्मा पर्वतप्रति हार्दिक आभार व्यक्त गरे । साथै, कार्यक्रम सफल बनाउन अहोरात्र खटिएका सम्पूर्ण लायन्स क्लबका पदाधिकारी तथा सदस्यहरूको योगदान प्रशंसनीय रहेको उनले बताए ।

उनले आगामी दिनमा पनि यस्तै सामाजिक सेवाका कार्यहरूमा निरन्तर रूपमा अघि बढ्ने प्रतिबद्धता व्यक्त गर्दै सबैको साथ, सहयोग र समर्थनप्रति धन्यवाद ज्ञापन गरेका छन् ।

लाेक कल्याणकारी