​पर्वत । पर्वतको कुश्मामा रहेको प्रदेश अस्पतालमा विशेषज्ञ सेवाहरूको विस्तारसँगै स्थानीय बासिन्दाको लागि ठूलो राहत मिलेको छ।अस्पतालले दैनिक २५० भन्दा बढी बिरामीहरूलाई नियमित रूपमा विशेषज्ञ डाक्टरहरूमार्फत उपचार सेवा प्रदान गरिरहेको छ।
​अस्पतालमा हाडजोर्नी तथा ट्रमा सर्जन, बालरोग विशेषज्ञ, स्त्री तथा प्रसूति विशेषज्ञलगायतका चिकित्सकहरू उपलब्ध भएकाले जटिल स्वास्थ्य समस्याको उपचार स्थानीय स्तरमै सम्भव भएको छ।

​अस्पतालमा स्त्री तथा प्रसूति विशेषज्ञ डा. प्रियंसा अधिकारी को उपलब्धताका कारण अब प्रसूतिको जटिल केसहरू आउँदा पोखरा जानुपर्ने बाध्यता कम भएको छ। यसले विशेष गरी प्रसूति सेवाका लागि टाढा धाउनुपर्ने महिलाहरूलाई ठूलो सहुलियत मिलेको छ।
​त्यसैगरी, हाडजोर्नी तथा ट्रमा सर्जन डा. डुण्डीराज पौडेल को नेतृत्वमा अब हाडजोर्नीका ठूला अपरेसनहरू पनि यहीँ हुने भएका छन्। यसले दुर्घटना र जटिल चोटपटकका बिरामीहरूलाई तत्काल र सहज उपचार उपलब्ध गराउन मद्दत पुर्‍याएको छ।

​अस्पतालमा उपलब्ध विशेषज्ञ सेवा र चिकित्सकहरू
​प्रदेश अस्पताल, कुश्मामा हाल निम्न विशेषज्ञ डाक्टरहरूबाट सेवा प्रदान भइरहेको छ:
​डा. डुण्डीराज पौडेल – हाडजोर्नी तथा ट्रमा सर्जन (एमएस, वीर अस्पताल, ट्रमा सेन्टर काठमाडौँ)
​डा. प्रियंसा अधिकारी – स्त्री तथा प्रसूति विशेषज्ञ (एमडी, एनएआईएचएस, टीयू)
​डा. प्रकाश गौतम – बालरोग विशेषज्ञ (टीयू)
​डा. बालकृष्ण श्रेष्ठ – एनेस्थेसियोलोजी (एमडी, एनएआईएचएस, टीयू)
​डा. मिलन अवाले – कन्सल्टेन्ट मेडिकल जर्नलिस्ट
​यो सेवा विस्तारले पर्वत र आसपासका क्षेत्रका बासिन्दाहरूको लागि स्वास्थ्य सेवाको पहुँच र गुणस्तरमा उल्लेख्य सुधार ल्याएको छ।

लाेक कल्याणकारी