पर्बत ,दिपसागर पौडेल । पर्बत जील्लाको सुन्दर धार्मिक पर्यटकीय स्थलको रूपमा बिकास हुँदै आएको जलेश्वर मन्दिर दिब्य धामको प्राङ्गणमा अक्षय तृतीयको अबसरमा बुधबार जलेश्वरको भवन उद्घाटन र अक्षय कोष स्थापना गर्ने सम्पुर्ण ब्यक्तित्वहरुमा सम्मान कार्यक्रम समापन भएको छ ।

जेष्ठ नागरिक लीवावती गिरि र बागमती गिरिको प्रमुख अतिथि रहेको उक्त कार्यक्रममा लिवावती गिरि ज्युबाट जलेश्वरको भवन उद्घाटन कार्यक्रम गरिएको थियोे भने बागमती गिरिबाट स्थापनार्थ ब्यक्तिहरुलाइ स सम्मान प्रमाणपत्र प्रदान गर्नुभयो र सबैलाई आशीर्वाद व्यक्त गर्नुभयो ।

सो कार्यक्रमका बिशिस्ट अतिथी महेन्द्र बहुमुखी क्यापस बागलुङका पुर्ब क्यापस प्राध्यापक लक्ष्मी प्रसाद शर्माले पछिल्लो पटक बिदेश जाने परम्पराले देशमा रहेका धार्मिक चाल चलन र मुल्य मान्यताहरुमा दिनानुदिन ह्रास भैरहेको बताए र यसको संरक्षण र सम्बर्द्धन गर्नमा सबैको विशेष भुमिका हुनु पर्नेमा जोड दिनुभयो ।

आजकै दिन एक बर्ष अगाडि जलेश्वर मन्दिर प्राङ्गणमा तत्कालिन स्थापनाका धरोहर ब्यक्तित्व स्व. भगवान गिरिको शालीक स्थापना समेत गरिएको थियोे र भगवान गिरिको जीवनी चर्चा नाति नारायण गिरिले गर्नुभएको थियोे ।जलेश्वर मन्दिर मुल समितिका अध्यक्ष खेमनाथ शर्माले आज भगवान गिरि बुबा हाम्रो साथमा नभए पनि उहाँका अधुरा कार्यहरुलाइ बिस्तारै बिकास गर्ने यो अभिभारा हामी सबैको दायित्व हो र यो दायित्वबाट हामी कोही पनि पछि सर्न नहुने कुरामा जोड दिनु भयो ।

भगवान गिरि ज्युको नाम पनि भगवान र काम पनि भगवान भएकोले अब हामिहरु पनि भगवान जस्तै बनेर जलेश्वरको पर्यटकीय दिब्य धाम बनाउन हामी सबैको समान भुमिका हुनु पर्ने बताउनु भयो । अक्षय तृतीय विशेष गरि सबै शुभ कार्यहरुको लागि बिशिस्ट दिन मानिन्छ भगवान बिस्नुले पनि परशुराम अबतार यहि दिनबाट लिएको किबंदन्ती शास्त्रहरुमा उल्लेख भेटिन्छ ।

सो सम्मानित कार्यक्रममा तिर्थ प्रसाद शर्मा , महानन्द शर्मा बुद्धि बहादुर श्रेष्ठ , थम प्रसाद श्रेष्ठ , दयाराम क्षेत्री , इन्द्र कुमारी क्षेत्री , र तुलसी प्रसाद उपाध्याय लगायतका सहयोगी मनका धनी धार्मिक ब्यक्तित्वहरुमा मन्दिर परिवारले सम्मान गरेको हो
उक्त कार्यक्रममा उपाध्यक्ष सन्तु गिरिको स्वागत र सञ्चालन सह सचीव गणेश गिरिले गर्नु भएको थियोे

लाेक कल्याणकारी