पोखरा।  पोखरा महानगरपालिका वार्ड नं. १७ बिरौटामा आयोजना हुन लागेको ऐतिहासिक श्री गण्डकी शत कुण्डीय गायत्री कोटिहोम विराट ज्ञान महायज्ञ २०८२ प्रती आफु र सिङ्गो पोखरा महानगरपालिका परिवार नै सकारात्मक रहेको पोखरा महानगरपालिकाका मेयर धनराज आचार्यले बताएका छन् ।

मेयर आचार्यले पोखरामा रहेको पब्लिक पोर के टेलिभिजनको एक कार्यक्रममा बोल्दै कोटिहोम महायज्ञ राम्रोसंग सम्पन्न गन’होस् शुभकामना छ भनेका छन् । साथमा उनले थपेका छन – “हामीले कोटिहोम महायज्ञ गर्न दिदैनौ भनेर सुरु देखि नै भनेका छैनौं ।

मात्र स्थानको कुरा थियो । हामीले पोखरालाई पर्यटकिय राजधानी घोषणा गर्दै गर्दा धार्मिक महत्वलाई पनि उत्तिकै महत्वका साथमा हेरेका छौं । कोटिहोम महायज्ञलाई पनि हाम्रो साथ छ । पोखरालाई राम्रो गर्ने कार्यमा हाम्रो सघै साथ रहने छ ।”

पहिले पोखरा महानगरपालिका वार्ड नं. ६ मा कार्यक्रम गर्ने तयार भएतापनि अहिले पोखरा महानगरपालिका वार्ड नं. १७ बिरौटा स्थित श्री
सदा शिवजी शिद्धेश्वर हरिहर मन्दिरले भोगचलन गरेको गुठीको जग्गा सहित आपपासका स्थानियहरुको जमिनमा सञ्चालन हुने छ ।

कोटिहोम महायज्ञका कार्यक्रमका विविध प्रचारप्रसारका कार्यक्रम यहि चैत्र १७ गते देखि प्रारम्भ हुने छ । त्यस्तै कोटिहोमको कार्यक्रम भने
२०८२ बैशाख १७ गते देखि जेठ २६ गतेसम्म सञ्चालन हुने छ ।

लाेक कल्याणकारी