पर्वत। पर्वतको कुश्मा नगरपालिका वडा नं १ पाङ्गमा गण्डकी महिमा धान्याचल ज्ञान महायज्ञ तथा शैक्षिक,आध्यात्मिक महोत्सव संचालन हुने भएको छ ।

स्थानीय पाङधैरेनी माध्यमिक विद्यालयको शैक्षिक सुधार, दिगो सञ्चालन, स्तरोन्नती तथा संस्कृत शिक्षालयको रुपमा विकास गर्नका लागि महायज्ञ आयोजना गरिएको हो ।

आगामी माघ ७ गतेदेखि १५ गतेसम्म आयोजना हुने महायज्ञको समुद्घाटन अनन्तश्रीविभूषित मुक्तिनाथ पिठाधिश्वर स्वामी कमलनयनाचार्यले गर्नुहुने भएको छ । ९ दिनसम्म संचालन हुने महायज्ञमा आचार्य श्री चैतन्यकृष्ण महाराजले कथा प्रवचन गर्नुहुने कार्यक्रम रहेको आइतवार कुश्मामा आयोजित पत्रकार सम्मेलनमा महायज्ञ मुल आयोजक समितिका संयोजक कृष्णप्रुसाद रिजालले जानकारी दिनुभयो ।

पार्वतिको पवित्र जन्मभूमिको रुपमा रहेको पाङ्ग क्षेत्रको प्रचार प्रसार प्रवद्र्धन एवम् धार्मिक विकासका लागि पनि महायज्ञले महत्वपुर्ण भूमिका खेल्ने उहाँको भनाई छ । कक्षा १२ सम्म संचालित पाङधैरेनी माध्यमिक विद्यालयमा दुई सय साठी जना विद्यार्थी रहेका छन् । कक्षा नर्सरीदेखि अंग्रेजी माध्यममा पढाई संचालन भएको विद्यालयमा चार जना निजि श्रोतवाट शिक्षक नियुक्त गरिएको छ ।

निजि श्रोतवाट राखिएका शिक्षकहरुलाई मासिक तलब सुविधा भुक्तानी गर्न लगायत विद्यालयकौ चौतर्फि स्तरोन्नतीका लागि आर्थिक अभाव भएपछि महायज्ञ गर्नुको विकल्प नदेखिएको विद्यालयका प्रद्यानाध्यापक गुणराज पौडेलले जानकारी दिनुभयो । उहाँका अनुसार महायज्ञका रु। दुई करोड भन्दा बढि संकलन गर्ने लक्ष राखिएको छ ।

अहिलेसम्म महायज्ञ संचालनका लागि एक हजार दुई सय जना भन्दा बढि आयोजक सदस्य बनिसकेका छन् । आयोजक सदस्य बन्नका लागि पाँच हजार एक सय तोकिएको छ । झण्डै दुई हजार आयोजक बनाउने योजना रहेको प्रअ पौड्यालले बताउनुभयो ।

महायज्ञलाई कथा प्रवचनमा मात्र सिमीत नराखि पाङ शैक्षिक तथा आध्यात्मिक महोत्सवको रुपमा समेत विकास गरिने भएको छ । महायज्ञमा हरेक दिन विहान ७ बजेदेखि रातीसम्म पुर्जा अर्चना, कथाबाचन, मानसम्मान तथा भजनकृतन गरिने छ । यसका अलवा कथाले मागे अनुसार विभिन्न झाँकीहरु प्रदर्शनका साथै श्रृङ्गारिक महाआरती समेत संचालन गर्ने आयोजकको तयारी छ ।

महायज्ञमा सहाभागि भएर इच्छाअनुसारको दानगर्न, कथा प्रवचन गर्न समेत आयोजकले अनुरोध गरेको छ ।
उक्त विद्यालयले यस अघि २०५८ सालमा पनि महायज्ञ संचालन गरेको थियो । त्यो बेला संचालन गरेको महायज्ञवाट आजसम्म विद्यालय संचालन गर्न सफल भएको अध्यक्ष रिजाललले बताउनुभयो ।

महायज्ञमा आर्थिक तथा भौतिक सम्पत्ति दान गर्ने दानदाताहरुलाई छुट्टाछुट्टै सम्मान गर्ने व्यवस्था समेत मिलाईएको उहाँको भनाई छ

लाेक कल्याणकारी