लक्ष्मण बिसि, पर्वत । वर्तमान समयमा शिक्षा व्यवहारिक नभएको जनगुनासो बढिरहेको बेला यहाँको एक बिद्यालयमा भने व्यवहारिक र नैतिक शिक्षामा जोड दिएको छ । पर्वतको मोदी गाउँपालिका(५ बाजुङ ओखलढुंगा स्थित बालज्योती सामुदायिक प्राथमिक बिद्यालयका बिद्यार्थीहरुलाई ब्यबहारिक शिक्षामा जोड दिइएको हो ।

विद्यार्थीहरुलाई किताबी ज्ञानमा मात्र सिमित नराखी जीवन उपयोगी ब्यबहारिक शिक्षामा जोड दिएको प्रधानाध्यापक बिष्णु सुवेदीले जानकारी दिइन् । विद्यार्थीहरुको सक्रियतामा स्थानीयको जग्गा उपयोग गरि मौसम अनुसारका तरकारी लगाउने, च्याउ उत्पादन गर्ने, तरकारी गोडमेल र सिचाइ लगायतका बिषयमा ज्ञान प्रदान गरिएको उनले बताइन् । पछिल्लो समय शिक्षक र विद्यार्थीहरुको सक्रियतामा प्याजका विरुवा रोपिएको छ । विद्यार्थीहरुले पातबाट दुना टपरी बुन्ने, माला बनाउने र बाँसको चोया काडेर अन्न राख्ने भकारी बुन्ने सम्मका कार्य गर्ने गरेका छन् ।

बिद्यालयमा संचालित परीक्षामा जाँच गरिसकेको कापी प्रशोधन गरि पुनः प्रयोग गरिएको छ । विद्यार्थीको सृजना र कलात्मक क्षमता विकासका लागि उक्त कागज चित्र बनाउन प्रयोगमा ल्याएको छ ।त्यस्तै विद्यार्थीहरुको शारीरिक तथा मानसिक अवस्थालाई मजबुत बनाउन विभिन्न प्रतियोगिता तथा खेलहरुमा पनि विद्यार्थी अब्बल रहेका छन् । सानै उमेरदेखि विद्यार्थीहरुलाई अनुशासित, नैतिकतावन, चरित्रवन,मेहनती र लगनशील बनाउन सकेमा भविष्यमा असल, दक्ष र योग्य नागरिक बन्ने विश्वास व्यक्त गरिन ।

https://youtu.be/GIWL8V2f_io?si=5lhoH9pNgyZ75Jqi

सस्थापक बिद्यालय व्यवस्थापन समिति अध्यक्ष स्व ।सन्त बहादुर क्षत्री, सस्थापक प्रधानाध्यापक मोती कुमारी थापा र पुर्व प्रधानाध्यापक सावित्री लामिछाने, स्थानीय समाजसेवी लगायत सबैको योगदानले गर्दा बिद्यालयमा गुणस्तरीय शिक्षा कायम रहेको प्रअ सुवेदीले बताइन् ।
साथै खेर फालिने प्लास्टिकको बोतल काटेर डोरी बनाउने र उक्त डोरी कुचो बाट्ने धागोको रुपमा र टनेल लगयत अन्य ठाउमा प्रयोगमा ल्याइएको बिद्यालयकी शिक्षिका बिना विश्वकर्माले बताइन् । बिद्यार्थीहरु उत्साहित भएर व्यवहारिक काममा सक्रिय भएको उनको भनाइ छ ।

https://youtu.be/GIWL8V2f_io?si=5lhoH9pNgyZ75Jqi

शिक्षक, विद्यार्थी र अभिभावक बीचको त्रिकोणात्म समन्वय र सहकार्यले बिद्यालयमा शैक्षिक उन्नयन भएको बिद्यालय व्यवस्थापन समिति अध्यक्ष खडक बहादुर क्षत्रीले बताए । गुणस्तरीय र व्यवहारिक शिक्षाका लागि शिक्षक र विद्यार्थीको मेहनत र लगावप्रति खुशी व्यक्त गरेका छन् ।

शिक्षणमा व्यवहारिक महत्वलाई विशेष ध्यान दिन विद्यार्थीहरुमा व्यक्तिगत सरसफाइ, अनुशासन, नैतिक शिक्षा, खानपान, आफ्ना सरसमानहरुको जतन, प्रयोग आदि विषयमा विशेष ख्याल गनुपर्ने देखिन्छ । किताबी ज्ञानले भन्दा यस्ता नैतिक शिक्षाको कारण विद्यार्थीहरुमा व्यापक परिवर्तन गर्न सकिन्छ ।

भौगोलिक विकटता रहेको उक्त ठाउँमा जम्मा १८र१९ घर रहेका छन् । विं।सं। २०५५ सालमा स्थापित उक्त विद्यालयमा बाल कक्षादेखि ५ कक्षासम्म १६ जना बिद्यार्थीहरु अध्ययनरत छन् ।

लाेक कल्याणकारी