रामप्रसाद घर्मेली । पूर्वोत्तर भारतको मिजौराम राज्यमा रहेका गोर्खालीहरुको छाता संगठन मिजौराम गोर्खा युवा संघको ४७ औं अधिवेशन सम्पन्न भएको छ।राज्यको कालाशिव जिल्ला अन्तर्गतको लाशिव इलेक्ट्रिक वेङ स्थित वाइएमए पेक्षा गृहमा संघका अध्यक्ष अनुप क्षेत्रीको अध्यक्षतामा आयोजित दुई दिवसीय अधिवेशनमा राज्य विधान सभाका उप सभामूख ललफमकिमा प्रमुख अतिथि रहनु भएको थियो भने राज्यभरिका शाखाबाट तीन सयभन्दा बढी सदस्यहरु सहभागि रहेका थिए ।
कार्यक्रममा बोल्दै प्रमुख अतिथि उप सभामुख ललफमकिमाले गोर्खाहरुले राज्यका निकै पुराना स्थायी वासिन्दा भएको र गोर्खा समुदायले राज्य प्राप्तिदेखि राज्यको विकास क्रममा महत्वपूर्ण भूमिका निभाउदै आएको बताउनु भयो। गोर्खा समुदायको , मेहनत, इमानदारिता, विरता र मिलनसार स्वभावको मुक्तकण्ठ प्रशंसा गर्दै , उप सभामुख ललफमकिमाले राज्य सरकार सदैव गोर्खा समुदायको हक हितको पक्षमा रहेको बताउनु भयो । साथै उप सभामुख ललफमकिमाले कोलाशिब गोर्खा समूदायको लागि सरकारको तर्फबाट एउटा सामूदायिक भवन निर्माण गरिदिने कुरा उल्लेख गर्नु भयो ।
विभिन्न सांस्कृतिक कार्यक्रमसंगै आयोजित प्रथम दिनको कार्यक्रममा संघले गोर्खा समुदायबाट क्रिकेट क्षेत्रमा राज्य तथा राष्ट्रिय स्तरमा उदयमान नव प्रतिभा खेलाडी बुअलपुई निवासी संन्ध्या क्षेत्रीलाई सम्मान ग(यो। खेलाडी क्षेत्रीलाई प्रमुख अतिथि उपसभामुख ललफमकिमा तथा संस्थाका अध्यक्ष अनुप क्षेत्रीले प्रसस्ति पत्र सहित सम्मान गर्नुभयो । अधिवेशनमा संघको केन्द्र,उपकेन्द्र तथा शाखाहरुको वार्षिक प्रतिवेदन प्रस्तुत गरि अनुमोदन गरिएको थियो । बन्दसत्रकै क्रममा संघको विधान संसोधन विषयका विभिन्न मस्योदाहरु माथि चर्चा गरिएको थियो । अधिवेशनको वर्षभरि उत्कृष्ठ कार्य गरेको कुनै एक शाखाहरुलाई सम्मान गर्ने संघको प्रचलन अनुरुप यस वर्षको उत्कृष्ठ शाखाको सम्मान ठुवामपुई शाखालाई प्रदान गरियो ।
मुलतस् राज्यमा रहेका गोर्खाहरु बिचको एकता र उत्थान संगै भाषा, कला, संस्कृति र साहित्य संरक्षणको धेयमा परिचालित मिजौराम गोर्खा युवा संघ राज्यको राजधानी आईजोलमा केन्द्रिय कार्यलय छ र १ उपकेन्द्र सहित राज्यभरि १७ शाखा परिचालित छन् । राज्यभरिका शाखाबाट लगभग दश हजार सदस्यहरु संघ सदस्य रहेको उल्लेख गरिएको छ ।
