शिशिर,पोखरा। केभसिटी पर्यटन सहकारी संस्था लिमिटेड पोखरा १६ बाटुलेचौरको पाँचौ साधारणसभा सम्पन्न भएको छ।सभाको उद्घाटन गर्दै सहकारीका अध्यक्ष वेनी बहादुर बस्नेतले सहकारी संस्थाको मुख्य आधारशिला भनेकै यसका सदस्यहरू रहेको बताउदै, पर्यटन केन्द्रित उद्यममा जोड दिनुभयो।

कार्यक्रममा पुर्व मन्त्री एवम् शेयर सदस्य कुमार खड्का, सल्लाहकार नरनाथ भट्टराई, बाटुलेचौर कालिलेक सहकारीका अध्यक्ष बसन्त तिमिल्सिना, नयाँ किरण सहकारीका उपाध्यक्ष ओममाया नेपाली, शिक्षासेवी ताराप्रसाद तिमिल्सिना,अग्नीधर शर्मा लगायतकाले निति र नियम भित्र रहेका सहकारीमा समस्या नरहेको स्पष्ट पारे।

सभामा लेखा संयोजक सुरेन्द्र थापा, कोषाध्यक्ष मोहन वहादुर थापा र अध्यक्ष बस्नेतले पेस गरेको वार्षिक प्रतिवेदन पारित भएको छ।सह सचिव चन्द्रा देवकोटाले सहकारीका सात सिद्धान्त वाचन गर्नुभएकाे कार्यक्रममा स्वागत उपाध्यक्ष दुर्गालाल श्रेष्ठ, संचालन सचिव तुलबहादुर बस्नेत र अध्यक्ष वेनी बहादुर बस्नेतको अध्यक्षतामा सभा सम्पन्न भएको थियो।

लाेक कल्याणकारी