शिशिर,पोखरा ।पोखरा महानगरपालिका वडा नं १६ मा रहेको पोखरा एकेडेमी स्कुलमा स्पोर्ट्स मिट शुरु भएको छ।शुक्रबारसम्म संचालन हुने खेलकुद कार्यक्रममा जुनियर तर्फका विद्यार्थीले सहभागिता जनाएकाे विद्यालयका जुनियर सेक्सनका प्रमुख मोहन वहादुर थापाले जानकारी दिनुभयो। कक्षा नर्सरी देखी ३ सम्मका विद्यार्थी सहभागी कार्यक्रममा कुर्ची दौड, स्वीट रेस, डोरी तान्ने, चम्चा दौड लगायतका विद्यार्थी केन्द्रित प्रतियोगिता हुने बताईएको छ।
+यसअघि कार्यक्रमको उद्घाटन गर्दै विद्यालयका बोर्ड सदस्य दुर्गालाल श्रेष्ठले जिवनपयोगी शिक्षासँगै अतिरिक्त क्रियाकलापले विद्यार्थीको शारिरीक तथा मानसिक विकास हुने बताउनुभयो। उहाँले स-साना वालवालिका भविष्यका कर्णधार भएकाले सानै उमेरदेखि नै असल संस्कार सिकाउनु पर्नेमा जोड दिनुभयो।
अतिरिक्त क्रियाकलाप विभाग प्रमुख विमल पौडेलको अध्यक्षता भएको कार्यक्रममा विद्यालय व्यवस्थापन समितिका अध्यक्ष बसन्त तिमिल्सिना, सह प्राचार्य तीर्थ तामाङ, प्रशासन प्रमुख भुवन बस्नेत, शिक्षिका चन्द्रा गौतम थापा लगायतले विद्यालयका गतिविधिका बारेमा चर्चा गरेका थिए।कार्यक्रमको सञ्चालन शिक्षिका निकिता थापाले गर्नु भएको थियो।
