शिशिर, पोखरा। पोखरा महानगरपालिका वडा नं १९ घार्मीका एक युवा एक सातादेखि बेपत्ता भएका छन्। घार्मीका ३३ वर्षिय विरेन्द्र विश्वकर्मा तिहारको भाइटिकाको दिन साँझ देखि वेपत्ता भएको पारिवारिक स्रोतले जनाएको छ। साँझ लामाचौर चोकबाट हराएका उनको हालसम्म पनि अवस्था पत्ता लाग्न सकेको छैन ।

छोरा हराए देखि आइत बहादुर र सुनकुमारीको परिवार चिन्तामा परेकाे छ । हराएकै दिनदेखि छरछिमेक, ईष्टमित्र जहाँ तहि खोजी गर्दा पनि नभेटिए पछि वडा कार्यालयमा समेत निवेदन दिईएको र वडा प्रहरी कार्यालय बगरमा पनि जानकारी गराईएको आमा सुनकुमारी विस्वकर्माले बताईन् ।

परिवार र छरछिमेकीले पोखराका विभिन्न ठाउँमा खोजिरहेको र प्रहरीले पनि खोजीकार्य तिव्र बनाए पनि युवकको अवस्था अहिलेसम्म पत्ता लाग्न नसकेको छिमेकी हिमलाल पौडेल अभिषेकले जानकारी दिए। नियमित रूपले औषधी सेवन गर्दै आइरहेका ति युवा मानसिक स्वास्थ्यमा समस्या रहेको बताईएको छ।

गहुँगोरो वर्णका, चेक सटमा रातो ज्याकेट र कालो टाउजर लगाएका ति युवालाई देखेमा नजिकैको प्रहरी कार्यालय वा ९८२९१५८६२६ मा वा वडा कार्यालयमा खबर गरिदिन परिवार र वडा कार्यालयले आग्रह गरेको छ।

लाेक कल्याणकारी