शिशिर पोखरा। पोखराको अग्रणी सामाजिक संस्था हिमालय क्लव, बाटुलेचौरले २८ औं स्थापना दिवस मनाएको छ । वि.सं. २०५४ साल कार्तिक १२ गते स्थापना भएको क्लवले सचिवालय परिसरमा २८ वटा दिप प्रज्वलन गरी स्थापना दिवस मनाएको सचिव तुलवहादुर वस्नेतले जानकारी दिए । स्थापना दिवसका दिन सोमवार क्लवले अस्वस्थ भई स्वास्थ्य लाभ गरिरहनु भएका संस्थापक सदस्य ज्ञानेन्द्र खड्कालाई सम्मान सहित स्वास्थ्य लाभको कामना समेत गरेको छ ।
खड्काको निवासमा पुगी संस्थापक अध्यक्ष तीर्थमान तामाङ, निवर्तमान अध्यक्ष सुशील वस्नेत र अध्यक्ष मोहन वहादुर थापाले ढाकाको टोपी, मायाको चिनो र वुके दिएर सम्मान गर्नुभयो ।त्यस अवसरमा क्लवका अध्यक्ष थापाले संस्थापकहरुको मेहनत र अभिभावकिय भुमिकाले संस्था यहाँसम्म आई पुगेको स्मरण गर्नुभयो ।
क्लवले स्थापना दिवसको मुल कार्यक्रम भने आगामी २२ गते स्थानिय बाटुलेचौर खेल मैदानमा गर्ने गरी तयारी गरेको छ ।उक्त दिन २७ औं रक्तदान, शुभकामना आदान प्रदान तथा चियापान, समाजसेवा पुरस्कार, उत्कृष्ट कृषक पुरस्कार, एकल महिला सहयोग हस्तान्तरण र विविध सांस्कृतिक कार्यक्रम गर्ने संयोजक प्रकाश थापाले जानकारी दिनुभयो। कार्यक्रम गण्डकी प्रज्ञा प्रतिष्ठानका कुलपति सुर्य खड्का विर्खचीको प्रमुख आतिथ्यतामा हुने वताईएको छ ।
