शिशिर पौडेल पोखरा । पाेखरा १९ घार्मी मैदानमा रहेकाे भूमेश्वर आाधारभूत विद्यालयमा टस्ट निर्माण हुने भएको छ । घार्मी फेदी निवासी समाजसेवी एकनाथ पाैडेलकाे सहयाेगमा विध्यार्थीहरुलाई खाजा खादा बस्न मिल्ने गरी ट्रस्ट निर्माण गरिने भएकाे छ ।
ट्रस्टकाे बिहिबार बिहान घटस्थापनाकाे शुभ साहित पारेर शिलन्यास गरियाे । विद्यालय अक्षयकाेश समितिका संयाेजक तथा विद्यालयका पूर्व प्र अ समेत रहनु भएका माेहन प्रसाद पाैडेलकाे उपस्थितिमा समाजसेवी पाैडेलले ट्रस्टकाे शिलान्यास गर्नुभयाे । शिलन्यास पछि बाेल्दै सहयाेगदाता एकनाथ पाैडेलले ट्रस्ट निर्माणकाे सम्पूर्ण लागत रकम सहयाेग गर्ने बताउनु भयाे ।
आफूले अक्षराम्भ गरेकाे विध्यालयमा समय समयमा पस्दा, बस्दा बालबालिकाहरुले खुल्ला चाैर र वरण्डामा बसेर खाज खाइरहेकाे देखेर आफूलाई मनमा बिजेकाे बताउदै विध्यालयमा खाजा खुवाउने ट्रस्ट अत्यावश्य रहेकाे देखेपछि याे दशै बिदाकाे अवसर पारेर निर्माण गर्न लागिएकाे बताउनु भयाे । आफू पढेकाे विध्यालय आफूलाई अत्यन्त प्याराे लाग्ने बताउने समाजसेवी पाैडेलले यस अघि पनि विध्यालयलाई विध्यार्थीहरुका लागि ड्रेस आदि विभिन्न भाैतिक सामाग्रीहरु सहयाेग गर्दै आउनु भएकाे छ।
विद्यालयका अध्यक्ष रामप्रसाद पौडेलले , पौडेलले गरेको सहयोग विद्यालयका लागि अमुल्य रहेको बताउदै, आगामी दिनमा पनि सहयोगको अपेक्षा गर्नुभयो। वडाकै पुरानो विद्यालयका रूपमा रहेकाे सो विद्यालयमा कक्षा वाल विकास देखि ५ सम्म पठनपाठन हुदै आएको छ ।
