सुचनाकेन्द्र संवाददाता प्रकाशित : २०८१/५/२८ गते
शिशिर,पोखरा। पोखरा महानगर पालिका वडा नम्बर १६ का दुई जिर्ण पुल निर्माण हुने भएको छ। महेन्द्र गुफा जोगिमणी सडक खण्डमा पर्ने घार्मी खोला पुल र जोगीमणी पुल यसै वर्ष निर्माण हुने वडाध्यक्ष अमृत शर्मा तिमिल्सिनाले जानकारी दिए।
जोगीमणी खोलाको पुल निर्माणका लागि ठेक्का प्रक्रियामा गएको छ भने घार्मी खोला पुलमा यसै वर्ष वजेट विनियोजन भई ठेक्का प्रक्रियामा रहेको बताईएको छ।
पुल निमार्णका लागि वजेट विनियोजन गर्न प्रभावकारी भुमिका खेलेको भन्दै त्यस क्षेत्रका स्थानीयले पोखरा महानगर र वडाध्यक्ष तिमिल्सिना प्रति आभार ब्यक्त गरेका छन्।
