पर्वत । जिल्लाको कुश्मा नगरपालिकामा दादुरा-रुबेला विरुद्धको खोप लगाउन शुरु भएको छ । नगरप्रमुख रामचन्द्र जोशीले खोप वक्स स्वास्थकर्मी लाई हस्तान्तरण गरि अभियानको उदघाटन गर्नुभयो । सबै वडाका खोप केन्द्र, स्वास्थ्यचौकी, विधालयमा केन्द्र तोकेर २ हजार ३ सय २६ वालवालिका लाई दादुरा-रुबेला विरुद्धको खोप लगाइने भएको छ ।

अभियान शुरुवात भएको घोषणा गर्दै नगरप्रमुख जोशीले खोप वालवालिकाको नैसर्गिक अधिकारको रुपमा रहेको उल्लेख गर्दै लक्षित वालवालिका लाई खोप दिलाउन आग्रह गर्नुभयो । जोशीले सबै वडामा खोप अभियान सन्चालन हुने भएकाले कोहि पनि नछुटाउने कुरामा विशेष ध्यान दिन अनिरोध गर्नुभयो ।

कुश्मामा आज फागुन २१ बाट शुरु भएको खोप अभियान फागुन २६ सम्म सन्चालन हुने जनाइएको छ । सामाजिक विकास समितिका संयोजक एवं कुश्मा ६ का वडाध्यक्ष इस्वर गिरीले खोपका कारण वालवालिकामा लाग्ने धेरै खाले रोग बाट जोगिने बताउनुभयो । उहाँले आफ्ना वालवालिका लाई खोजिखोजी खोप लगाउन अभिभावक लाई आग्रह गर्नुभयो ।

सहिद स्मृती अङ्ग्रेजी आवासिय माध्यमिक बिधालय बाट शुभारम्भ भएको खोप अभियान कार्यक्रमको सन्चालन स्वास्थ्य शाखा प्रमुख यामप्रसाद शर्माले गर्नुभएको थियो ।स्वास्थ्य कार्यालयका अनुसार कुश्मा सहित आज बाट मोदि र जलजला गाउँपालिकामा पनि खोप अभियान शुरु भएको छ ।

लाेक कल्याणकारी