पोखरा । स्वास्थ्य र पर्यटनको लागि हाइकिङ भन्ने म्ुल नाराका साथ हाइकीङ (एक दिने पदयात्रा) कार्यक्रमको नियमित आयोजना गर्दै आएको हाइकर्स क्लब नेपालको प्रारम्भिक साधारण सभा हुने भएको हो ।

जिल्ला प्रशासन कार्यालय कास्कीमा गत असोजमा विधिवत दर्ता भइ सदस्यता वितरण गरी फागुन १९ गते शनिबार क्लबले प्रारम्भिक साधारण सभा गर्न लागेको हो ।

हाइकिङ कार्यक्रम विगत ६ वर्ष देखि संचालन हुँदै आएको थियो । उक्त कार्यक्रममा हजारौको संख्यामा विद्यार्थी, व्यवसायी, गृहणी सहभागी हुनै आएका छन् भने ३ जिल्ला तनहुँ, स्याङ्जा र कास्कीको प्रायः ग्रामिण वस्तीहरुमा हाइकिङ कार्यक्रम सम्पन्न भइ सकेका छन् ।

स्थानिय निकायको क्षेत्राधिकार भित्र हाइकिङका माध्यमले प्रचारप्रसार गर्दै आइरहदाँ दर्ता नभएका कै कारण सहयोग हुन नसकेको अवस्था र जनप्रतिनिधिहरु तथा पर्यटन व्यवसायीहरुको सल्लाह संस्था दर्ता गरिएको थियो ।

सुरुवाती चरणमा प्रविण तुलाचनको नेतृत्वमा हाइकिङ कार्यक्रम निरन्तर अगाडि वढि रहेको भएता पनि संस्थागत रुपमा अगाडि वढाउने क्रममा कृष्ण रानाभाटको अध्यक्षतामा ७ सदस्यीय तदर्थ कार्य समिति वनाएर दर्ता गरिएको थियो । उक्त तदर्थ समितिको उपाध्यक्षमा ज्योति हमाल, सचिवमा मधु अधिकारी, कोषाध्यक्षमा टिका आचार्य र सदस्यहरुमा पितम सेन, तिलक थापा र सुन्दर त्रिपाठी रहेका छन् ।हाल संस्थाको आधिकारिक रुपमा साधारण सदस्यता र आजिवन सदस्यता वितरण गरिएको छ ।

लाेक कल्याणकारी