पर्वत, कुश्मा । सेवा, श्रद्धा तथा धार्मिक चेतनाको प्रवर्द्धन गर्ने उद्देश्यले प्रत्येक शनिबार नियमित रूपमा सञ्चालन हुँदै आएको MRR टीम पर्वत को भजन–कीर्तन कार्यक्रम शनिबार कुश्मास्थित श्री सर्वेश्वर महादेव मन्दिर मा सम्पन्न भएको छ।

कार्यक्रममा विभिन्न उमेर समूहका भक्तजन तथा युवाहरूको उल्लेखनीय सहभागिता रहेको थियो। भजन–कीर्तनमार्फत भगवानप्रति आस्था प्रकट गर्नुका साथै समाजमा धार्मिक तथा नैतिक मूल्यहरूको संरक्षण र प्रवर्द्धन गर्ने सन्देश दिइएको थियो।

MRR टीम पर्वतले हिन्दू धर्म, संस्कृति र परम्पराको संरक्षण तथा धार्मिक चेतनाको अभिवृद्धिका लागि हरेक शनिबार जिल्लाका विभिन्न मठ–मन्दिरहरूमा पुगेर भजन–कीर्तन कार्यक्रम सञ्चालन गर्दै आएको जनाएको छ। युवाहरूको सक्रिय सहभागिताले धार्मिक गतिविधिप्रति नयाँ पुस्ताको आकर्षण बढ्दै गएको सहभागीहरूले बताएका छन्।

कार्यक्रममा भगवान शिवको महिमा, धार्मिक संस्कार तथा समाजमा सकारात्मक ऊर्जा फैलाउने विषयवस्तु समेटिएका भजनहरू प्रस्तुत गरिएको थियो। सहभागी भक्तजनहरूले यस्ता कार्यक्रमले आध्यात्मिक शान्ति प्रदान गर्नुका साथै धार्मिक एकता र सद्भाव कायम गर्न सहयोग पुग्ने विश्वास व्यक्त गरेका थिए।

MRR टीम पर्वतले आगामी दिनहरूमा पनि जिल्लाका विभिन्न धार्मिक स्थलहरूमा यस्ता कार्यक्रमलाई निरन्तरता दिने जनाएको छ। mrr युवाहरुको सञ्जाल हो यो देशै भरिका जिल्लाहरुमा फैलिएको छ ।भजन सगै बिभिन्न सामाजिक काममा सक्रिय हुदै आएका छन। See less

लाेक कल्याणकारी