पर्वत,।  कुश्मा बहुमुखी क्याम्पसमा अभिभावक मेला तथा अन्तरक्रिया कार्यक्रम सम्पन्न भएको छ । कार्यक्रममा विद्यार्थीको शैक्षिक स्तर, व्यवस्थापकीय पक्ष, अतिरिक्त क्रियाकलाप, पुस्तकालय व्यवस्थापन लगायतका विविध विषयमा विस्तृत छलफल गरिएको थियो ।

कार्यक्रममा क्याम्पस सञ्चालक समितिका अध्यक्षले क्याम्पसको विगत र वर्तमान अवस्थाबारे जानकारी गराउँदै शिवालय बहुमुखी क्याम्पस र गुप्तेश्वर बहुमुखी क्याम्पस मर्ज भएपछि कुश्मा बहुमुखी क्याम्पसको स्थापना भई हाल प्रभावकारी रूपमा सञ्चालन भइरहेको बताउनुभयो । उहाँका अनुसार क्याम्पसमा हाल जम्मा ३८७ जना विद्यार्थी अध्ययनरत रहेका छन् ।

छलफलका क्रममा अभिभावक तथा विद्यार्थीहरूले शैक्षिक गुणस्तर अभिवृद्धि, पुस्तकालयको थप व्यवस्थापन, अतिरिक्त क्रियाकलापको विस्तार तथा भौतिक पूर्वाधार सुधारका विषयमा सुझाव तथा गुनासा राखेका थिए ।

कार्यक्रममा सहभागीहरूले क्याम्पसको समग्र विकासका लागि अभिभावक, विद्यार्थी र प्रशासनबीच नियमित सहकार्य आवश्यक रहेको धारणा व्यक्त गरेका थिए । कार्यक्रमले शैक्षिक वातावरण सुधार तथा आपसी समन्वय मजबुत बनाउन महत्वपूर्ण भूमिका खेलेको आयोजकले जनाएको छ ।

लाेक कल्याणकारी