पर्वत।पर्वतको मोदी गाउँपालिका-६, गिज्यानमा विविध खेलकुद तथा सांस्कृतिक कार्यक्रम भव्य रुपमा सम्पन्न भएको छ । गिज्यान स्थित सामाजिक कार्यमा क्रियाशिल गिज्यान मगर संघको दोस्रो वाषिर्कोत्सवका अवसरमा यहीँ माघ १० गतेदेखि संचालित कार्यक्रम माघ १५ गते सम्पन्न भएको हो । खुल्ला गाउँ स्तरीय पुरुष भलिबल प्रतियोगितामा कुश्मा प्रथम र आयोजक दित्तिय भएका छन् । पकुवा तृतीय र आयोजक बि सान्त्वना भएका छन् । प्रतियोगितामा प्रथम, दित्तिय, तृतीय र सान्त्वना हुनेले क्रमशः ५१ हजार १११, ३० हजार, १५ हजार र १५ हजार साथमा ट्रफी, मेडल र प्रमाणपत्र प्राप्त गरेका छन् ।

‎कार्यक्रममा खुल्ला गाउँ स्तरीय भलिबल प्रतियोगिता र स्थानीय तथा राष्ट्रिय कलाकारहरुको साथमा सांस्कृतिक कार्यक्रम आयोजना गरिएको नेपाल मगर संघ गिज्यानका अध्यक्ष दिर्घ बहादुर थापा मगरले जानकारी दिनुभयो ।

‎स्थानीय कला संस्कृतिको जगेर्ना गर्न, खेलकुदको विकास तथा प्रवर्द्धन गर्ने र मेलाबाट संकलित रकमबाट समुदायको हक हित र सामाजिक कार्यहरू गर्ने उद्देश्यले कार्यक्रम आयोजना गरिएको थापाले बताउनुभयो । कार्यक्रमको माध्यमबाट युवाहरूको एकता तथा उनीहरूको नेतृत्व र व्यक्तित्व विकासमा जोड दिएको उहाँले बताउनुभयो । कार्यक्रमलाई भव्य र सभ्य रुपमा सम्पन्न गर्नका लागि विभिन्न समाजसेवी व्यक्तिहरुसँग सहयोग र सहकार्य भएको मगर संघ गिज्यानका कोषाध्यक्ष तथा आर्थिक संयोजक पवन थापाले बताउनुभयो । कार्यक्रमलाई सफल बनाउन देश तथा विदेशमा रहनुभएका सबैले सकारात्मक रुपमा आर्थिक, नैतिक र भौतिक सहयोग गर्नुभएको र उहाँहरुलाई सम्मान गरिएको मगर संघ युवा समितिका अध्यक्ष दिपेश थापा मगरले बताउनुभयो । मोदी गाउँपालिकाका अध्यक्ष हिरादेवी शर्माले उद्घाटन गर्नुभएको कार्यक्रमको समापन मोदी गाउँलिकाका उपाध्यक्ष बिमाल लामिछानेले गर्नुभएको थियोे । कार्यक्रममा आर्थिक, नैतिक र भौतिक रुपमा सहयोग गर्ने व्यक्ति तथा संस्थाहरुलाई सम्मान गरिएको छ । ६ दिनसम्म संचालन भएको कार्यक्रमको संचालन नयन न्युज डटकमका सम्पादक लक्ष्मण बिसिले गर्नुभएको थियोे । कार्यक्रममा हरेक दिन स्थानीय तथा राष्ट्रिय कलाकारहरुको सांगीतिक प्रस्तुति रहेको थियोे ।

लाेक कल्याणकारी