पर्वत ।भोली जेठ ९ गते कुश्मास्थित होटल बन्दना प्रा.लि. को सभाहलमा आयोजना गरिने नेकपा (माओवादी केन्द्र)को जनसंवाद कार्यक्रमको जानकारी दिन प्रेस सेन्टर पर्वतको आयोजनामा पत्रकार भेटघाट सम्पन्न भएको छ।

पूर्वप्रधानमन्त्री एवं पार्टी अध्यक्ष पुष्पकमल दाहाल ‘प्रचण्ड’ सहित वरिष्ठ नेताहरूको सहभागितामा हुने उक्त कार्यक्रममा भ्रष्ट्राचारविरुद्ध खबरदारी, सुशासनको प्रवर्द्धन, संघीय लोकतान्त्रिक गणतन्त्रको सुदृढीकरण, संविधानको कार्यान्वयन, राजनीतिक स्थिरता, विकास र समृद्धिका मुद्दामा संवाद गरिनेछ।

यस कार्यक्रममार्फत राष्ट्रिय स्वाधीनता, भ्रष्टाचार, बेथिति र राजनीतिक संकटको समाधानका लागि सुझाव संकलन गरिनेछ भने पर्वत जिल्लाको विकास र जनसरोकारका विषयमा प्रत्यक्ष अन्तरक्रिया गरिने जनाइएको छ।

कार्यक्रम जेठ ९ गते दिउँसो १:०० बजे शुरु हुने छ भने अर्को दिन, जेठ १० गते शनिबार पोखरा चिप्लेढुंगामा विशाल जनसभा आयोजना गरिने छ।

लाेक कल्याणकारी