गोबिन्द,पर्बत। पर्वत जिल्ला स्तरीय १५ औ राष्ट्रपति रनिङ्ग शिल्ड प्रतियोगिता यहि ५ र ६ गते संचालन हुने भएको छ । राष्ट्र निर्माण र बिकाशमा बिद्यार्थीको शारीरिक अवस्था बिकाश गर्न,खेलकुद प्रतियोगिताले निकै महत्व राख्ने भएकोले नेपाल सरकारले रास्ट्रपति रनिंग सिल्डप्रतियोगिता बार्षिक कार्यक्रमका रुपमा संचालन गर्दै आएको छ त्यसैले बिद्यालयका बिधार्थीको प्रतिभा प्रफुस्टन गर्नको लागि स्थानीय तहका बिधालयहरु बीच यो प्रतियोगिता हुने गरेको छ । उक्त प्रतियोगिता जिल्ला खेलकुद विकास समिति पर्वतले यहि जेठ ५ र ६ गते सदरमुकाम कुश्माबजारको वडागाउँ खेल मैदानमा संचालन गर्ने भएको छ ।
प्रतियोगितामा खेलाडीहरुलाई सक्रिय सहभागिता गराउनका लागि समितिले जिल्लाका सातवटै पालिकालाई अनुरोध गरिसकेको छ । यस अघि पर्वतका दुई नगरपालिका सहित सातवटै पालिकाले राष्ट्रपति रनिङ्ग शिल्ड प्रतियोगिता संचालन गरिसकेका छन् । पालिका स्तरवाट छनौट भएका खेलाडीहरु जिल्ला स्तरीय प्रतियोगितामा सहभागि हुन पाउने जिल्ला खेलकुद विकास समिति पर्वतका अध्यक्ष बुद्ध पुनले जानकारी दिनुभयो । अध्यक्ष पुनका अनुसार प्रतियोगितामा छात्र तथा छात्रा भलिबल प्रतियोगिता, छात्र तथा छात्रा कबड्डी प्रतियोगिता, एथलेटिक्स छात्र, छात्राको प्रतियोगिता हुने भएको छ । एथलेटिक्स अन्तर्गत दौड प्रतियोगिता एक समय मिटरदेखि तीन हजार मिटरसम्मको हुने भएको छ भने भने छात्रा दौड प्रतियोगिता पनि सोहि अनुसार हुने भएको छ ।
कबड्डी खेलतर्फ छात्र ७० केजी र छात्राको वजन ६५ केजी सम्म खेल्न पाउने यसैगरी हाईजम्प, लङजम्प, त्रिपलजम्प, ज्याभलिङथ्रो, सटपुट थ्रो, मार्सल आर्टतर्फ सितेरेयिो कराँते र छात्र छात्रा तेक्वान्दो प्रतियोगिता समेत संचालन गरिने र प्रतियोगितामा खेलाडी सहभागि गराउने पालिकाले प्रतियोगिता शुरु हुनुपुर्व रु. २५ हजार रुपैया दर्ता बुझाउनुपर्ने उल्लेख गरिएको छ । यसैगरी विद्यार्थीले फोटो सहितको अनुसूचि १ को सहभागि फारम भर्नुपर्ने छ भने विद्यार्थी नियमित अध्ययनरत हुनुपर्ने छ भने कक्षा १२ सम्मका विद्यार्थीले प्रतियोगितामा भाग लिन पाउने कुरा जिल्ला खेलकुद विकास समितिका उपाध्यक्ष राजन गुरुङले हाम्रो सूचनाकेन्द्र डटकम लाई बताउनु ।
खेलाडीको जन्मदर्ताको फोटोकपी, र इमिक्सको अभिलेख फारमका साथमा अनिवार्य पेश गर्नुपर्ने छ । बास्तविक विद्यार्थी नभई अन्य खेलाडी सहभागि गराएको पाईएमा खेलकुद कानून बमोजिम कारवाही गरिने पनि उपाध्यक्ष गुरुङले बताउनु भयो । जिल्ला खेलकुद विकास समितिका अध्यक्ष बुद्ध पुनले खेललाई व्यवस्थित, मर्यादित र सभ्य रुपमा सम्पन्न गर्नका लागि सम्पूर्ण तयारी भएको साथै जिल्ला स्तरवाट उत्कृष्ट बनेका विद्यार्थी प्रदेश तथा संघ स्तरीय प्रतियोगितामा पनि सहभागि हुन पाउने भएकाले आवश्यक तयारी सहित स्वस्थ्य प्रतिस्पर्धा गर्न उहाँले आग्रह गर्नुभएको छ ।
