पर्वत।जिल्लाको कुश्मा नगरपालिकामा आयोजना गरिएको नगर स्तरीय वक्तृत्वकला प्रतियोगीतामा नमुना आवासीय माध्यमिक विद्यालयकी सजता गिरी प्रथम भएकी छिन् । लागू औषध दुब्र्यसनी बिरुद्धको सचेतनामूलक कार्यक्रम अन्तर्गत जि एण्ड जि मिडिया प्रा.लि.ले उक्त कार्यक्रमको आयोजना गरेको हो । प्रतियोगीतामा नारायण माविका सन्तोष पौडेल द्धितिय भएका छन् भने काफचौर मावि दुर्लुङका अभिशेक गिरी तृतिय भएका छन् । प्रतियोगीतामा कालीगण्डकी एकेडमीको सुयोग श्रेष्ठले सान्तवना स्थान हासिल गरेका छन् ।
सामाजिक विकास युवा तथा खेलकुद मन्त्रालयको सहयोगमा आयोजीत प्रतियोगीतामा विजयी सहभागीहरुलाई नगद पुरस्कार वितरण गरिएको थियो । कार्यक्रमको प्रमुख अतिथिको आसनबाट बोल्दै मुख्य मन्त्री तथा मन्त्रीपरिषद कार्यालय गण्डकी प्रदेशका उप सचिव राजेन्द्र बहादुर क्षेत्रीले विद्यार्थीहरुको क्षमता अभिबृद्धिसंगै लागू औषध सम्बन्धि जनचेतना जगाउनका लागि यस्ता कार्यक्रमहरु सवै पालिका र विद्यालयहरुमा हुनुपर्ने धारणा ब्यक्त गर्नुभयो । प्रहरी नायव उपरिक्षक रबिन विष्टले कलिलो उमेरमै ज्ञान अभिबृद्धि हुँदा कुलतमा फस्ने दरमा कमी आउने धारणा ब्यक्त गर्नुभयो ।
कार्यक्रममा सामाजिक विकास कार्यालयका कार्यालय प्रमुख गोविन्दप्रसाद पौडेलले बालबालिका मार्फत सचेतना अभिबृद्धि गर्दा त्यसले दिर्घकालीन रुपमा कुलत न्यूनिकरणमा सहयोग मिल्ने विचार ब्यक्त गर्नुभयो । कार्यक्रममा कुश्मा नगरपालिकाका शिक्षा अधिकृत मोतीमाया ढकालले नगर भित्रका सवै विद्यालयहरुमा यस्ता कार्यक्रमहरुको आयोजना हुनुपर्ने बताउनुभयो ।
प्रतियोगीताको निर्णायकको भूमिका प्रहरी निरिक्षक सुमित श्रेष्ठ, शिक्षा अधिकृत मोतीमाया ढकाल र पत्रकार एव्म वाककलाका प्रशिक्षक भवानीप्रसाद शर्मा रहनुभएको थियो । नमुना आवासीय माविका शिक्षक जलन खत्रीको अध्यक्षतामा सम्पन्न कार्यक्रमको सञ्चालन जि एण्ड जि मिडिया प्रा.लि.का प्रवन्ध निर्देशक गणेश गिरीले गर्नुभएको थियो । गण्डकी प्रदेशको चाहना, लागूपदार्थ रहित समाजको संकल्प विषयमा प्रतियोगीताको आयोजना गरिएको थियो ।
