पर्वत । प्रदेश अस्पताल कुश्मा पर्वतमा अस्पताल संचालनको ३५ बर्षपछि जिल्लामै पहिलोपटक फिजियोथेरापी सेवा सुरु भएपछि बिरामीहरुलाई सहज भएको छ । गत पुष महिनाबाट अस्पतालमा सुरु भएको फिजियोथेरापी सेवाबाट हाडजोर्नी तथा नशा सम्बन्धि समस्या भएका धौलागिरी क्षेत्रका सयौं बिरामीहरु लाभान्वित भएका छन् ।

फिजियोथेरापीका लागि बिरामीहरुलाई बाग्लुङ, पोखरा जानुपर्ने बाध्यता हटेको छ भने सेवा प्रभावकारी हुँदै गएको छ । अस्पतालका सेवा सुविधाहरु बिस्तारमा वृद्धि हुँदै गएपछि सरकारी अस्पतालमा बिरामीहरुको विश्वास बढेको र विभिन्न रचनात्मक कार्य तथा गुणस्तरीय स्वास्थ्य सेवा प्रदानमा जोड दिएको प्रदेश अस्पताल व्यवस्थापन समिति पर्वतका अध्यक्ष शंकर गिरीले बताउनुभयो । युवा नेतृत्वले प्रदेश अस्पतालको व्यवस्थापनमा उल्लेखनीय कार्य गरेको गण्डकी प्रदेशका स्वास्थ्य मन्त्री कृषि प्रसाद पाठकले बताउनुभयो ।

लाेक कल्याणकारी