पर्वत । जिल्लाको मोदी गाउँपालिकाका सवै वडाहरुमा यस बर्ष सार्वजनिक सुनुवाई हुने भएको छ । गाउँपालिकाकाले आगामी वैशाख २५ गते देखि पालिकाका सवै वडाहरुमा पुगेर सार्वजनिक सुनुवाईसंगै आगामी बर्षको नीति, कार्यक्रम तथा बजेट निर्माणका लागि सुझाब संकलन गर्ने भएको हो ।

गाउँपालिकाले वैशाख २५ गते वडा न १ भुकदेरालीबाट सार्वजनिक सुनुवाई कार्यक्रमको आयोजना गर्न लागेको प्रमुख प्रशासकीय अधिकृत बाबुराम पुरीले जानकारी दिनुभयो । पुरीका अनुसार आगामी जेठ ४ गतेसम्म सार्वजनिक सुनुवाई मार्फत वडाहरुमा पुगेर चालु आवको अर्धबार्षिक समिक्षा तथा आगामी आवको लागि योजना छनौट कार्यक्रमका लागि सुझाब संकलन गरिनेछ ।

नागरिकहरुका जनगुनासाहरु सुन्नका लागि सार्वजनिक सुनुवाई कार्यक्रमको आयोजना गरिएकोले सवै वडाहरुबासीहरु उक्त कार्यक्रममा सहभागी भएर आफ्ना विचार, भावना, सुझाब र प्रश्नहरु राख्नका लागि गाउँपालिका अध्यक्ष हिरादेवी शर्माले आग्रह गर्नुभएको छ ।

लाेक कल्याणकारी