गोबिन्द,पर्बत । ४२ औँ राष्ट्रिय मगर दिवसको अवसर पारेर पुन युवा क्लव पर्वतले  “कला संस्कृतिको सम्वद्र्धनमा ऐक्यवद्धता, खेल, व्यापार, कृषि तथा पर्यटन प्रवद्र्धनमा मुख्य प्रतिवद्धता” भन्ने मुल नाराका साथ शुरु गरिएको तेस्रो ऐतिहासिक राष्ट्रिय मगर महोत्सवमा हिजो नबौ दिन भएको महोत्सवको आकर्षणका रूपमा रहेको मोफसलकै सवैभन्दा ठुलो पुरस्कार राशिको खुल्ला अन्तरपालिका पुरूष भलिवल प्रतियोगिता अन्तर्गत पोल “ए” को पहिलो क्वाटरफाइनल खेल फलेबास नगरपालिका र गिज्यान मगर संघ, बीच भएको निकै प्रतिस्पर्धात्मक खेलमा फलेबास नगरपालिका २-० को सोझो सेटमा बाजी मार्यो । खेल निकै प्रतिस्पर्धात्मक भएको थियो । बेस्ट अफ थ्रीमा भएको खेलमा फलेबास नगरपालिकाले पहिलो सेट २५-१४ र दोस्रो सेट २५-१८ ले जित निकाल्दै  सेमिफाइनलमा प्रबेश गर्न सफल भयो ।

त्यस्तै सोहि दिन भएको पोल “बि” को अर्को क्वाटरफाइनल खेल बिहादी गाउँपालिका र जलजला बीच भएको थियो उक्त खेलमा बिहादीले २-१ को रोमान्चक सेटमा जलजलालाई हराउदै सेमिफाइनलमा आफ्नो स्थान सुरक्षित गर्यो । बिहादी गाउँपालिकाले पहिलो सेट २९-२७ ले जित निकाल्दा दोस्रो सेट जलजला गाउँपालिका खेलमा फर्किदै २५-२०ले आफ्नो कब्जामा पर्यो भने अन्तिम फाईनल सेटमा बिहादी गाउँपालिकाले २५-१४ले ले जित निकाल्दै  सेमिफाइनलमा प्रबेश गर्न सफल भयो ।

नकआउट चरण मा खेलईने उक्त प्रतियोगितामा प्रथम हुनेलाई सर्बाधिक पुरस्कार २,०२,२२२/ (दुईलाख दुईहजार दुईसय बाईस रुपयाँ, सिल्ड मेडल र प्रमाणपत्र) दोश्रो लाई १,०१,१११/ (एकलाख एकहजार एकसय एघार रुपयाँ सिल्ड मेडल र प्रमाणपत्र) तृतीय हुने लाई नगद ५०,१११/ (पचासहजार एकसय एघार रुपयाँ सिल्ड मेडल र प्रमाणपत्र) रहेको खेल संयोजक होम पुनले हाम्रो सूचना केन्द्र डटकम लाई जानकारी गराउनु भयो ।

लाेक कल्याणकारी