सुचनाकेन्द्र संवाददाता प्रकाशित : २०७६/९/२८ गते
काठमाडौं । पछिल्लो समय नेपालमा बाबा बन्दै हिड्नेहरु धमाधम पक्राउ पर्न थालेका छन् । यो बीचमा शिष्यलाई ठगी गरेको आरोपमा शिवानन्द स्वामी भनिने दिपक भण्डारी पक्राउ परेका छन् । महानगरीय अ’परा’ध अनुसन्धान महाशाखा टेकुको टोलीले आज भण्डारीलाई नियन्त्रणमा लिएको हो ।
महाशाखाका प्रमुख एसएसपी सहकुलबहादुर थापाका अनुसार उनले शिष्यलाई विदेश पठाइदिन्छु भन्ने आश्वसन देखाएर रकम ठग्दै आएका थिए । महाशाखामा ४ जना शिष्यले उनीविरुद्ध उजुरी दिएपछि प्रहरीले नियन्त्रणमा लिएको हो ।
अरु पनि पीडित हुन सक्ने भन्दै अनुसन्धान गरिरहेको पनि उहाँले स्पष्ट पार्नुभयो । चेक रिपब्लिक पठाउने भनिए पनि भण्डारीको त्यस देशमा पठाउनलाई कुनै सम्बन्ध नदेखिएको प्रहरीको ठहर छ । भण्डारीले आफूलाई तन्त्रविद्याको विज्ञका रुपमा प्रहरीसँग परिचय गराएका छन् ।
