हेटौंडा उपमहानगरपालिकाले चितवनको भरतपुरमा धुर्मुस-सुन्तली फाउन्डेशनले निर्माण गर्दै गरेको गौतम बुद्ध अन्तर्राष्ट्रिय क्रिकेट रङ्गशालाका लागि ३० लाख रुपैयाँ सहयोग गरेको छ । आइतबार निर्माणाधिन रङ्गशालाको अवलोकनपछि हेटौंडा उपमहानगरपालिकाका मेयर हरिबहादुर महतले सहयोगको घोषणा गरेका थिए ।
धुर्मुस-सुन्तलीको प्रयासमा अन्तर्राष्ट्रिय स्तरको रङ्गशाला निर्माण हुन लागेकाले स्थानीय सरकारको हैसियतमा सहयोग गर्न लागेको मेयर महतले बताए । रङ्गशाला निर्माण हुँदा हेटौंडालाई पनि फाइदा हुने भएकाले सहयोग गर्न लागेको उहाँले बताए ।रंगशाला निर्माणका लागि देशैभरीका स्थानीय सरकारको सहयोग आवश्यक रहेकोसमेत उनले बताए । रंगशाला निर्माणका लागि दिने भनेर घोषणा गरेको रकम केही आज धुर्मुस सुन्तलीलाइ पुगेर हस्तान्तरण गरेका छन् ।
चितवनको भरतपुर महानगरपालिकास्थित कृषि तथा वन विश्वविद्यालय परिसर भित्रको २० बिघा ६ कट्ठा क्षेत्रफलमा २५ हजार दर्शक क्षमताको अत्याधुनिक सुविधासम्पन्न रङ्गशाला निर्माण गर्न लागिएको छ ।सहयोग हस्तान्तरण गरेपछि सिताराम कटेल धुर्मुसले आफ्नो फेसबुकमा स्टाटस लेख्दै खुसि हुँदै धन्यवाद व्यक्त गरेका छन् । उनले लेखेको स्टाटस हेर्नुहोस जस्ताको तस्तै : जनताले चाहेको मेयर उहा जस्तो हो।
जनस्तरबाट बन्दै गरेको गौत्तम बुद्द क्रीकेट रङशाला निर्माण अभियानको लागि आज हेटाैडा उपमहानगरपालिकाको तर्फबाट आदरणीय मेयर जनताको छोरा जनताको अभिभावक हरि बहादुर महत ज्युले रङशाला निर्माण स्थलमा आएर रु:३० लाख हस्तान्तरण गर्नुभएको मा बिशेस आभार अनि धन्यवाद ब्यक्त गर्न चाहन्छु। मेयर ,उपमेयर लगायत अन्य जनप्रतिनिधि हेटाैडा बासि आमा बुवा दाजुभाइ दिदिबहिनिहरु प्रति नमन…
