काठमाडौं । वास्तु शास्त्र एउटा पुरानो विज्ञान हो । घर, भवन आदि निमार्ण गर्दा वा घरमा के–कस्ता वस्तुहरु राख्ने ,नराख्ने भन्ने बारेमा वास्तुका केहि नियमहरु रहेका हुन्छन् । यदि वास्तुका उक्त नियमहरु पालना गर्नाले घरमा सुख,शान्ति, आर्थिक अवस्थामा राम्रो असर पर्ने मान्यता रहेको छ । यसका नियमको पालना गर्नाले घरमा सकारात्मक उर्जा पर्न गई नकारात्मक उर्जाको नाश हुने विश्वास रहेको छ ।

वास्तुको नियम विपरित कार्य गर्दा घरका नकारात्मक उर्जाको आगमन हुने गर्दछ । जसले घरमा नकारात्मक उर्जा फैलाउँदछ र घरमा अशान्तिको बास हुने मान्यता वास्तुमा रहेको छ । वास्तु शास्त्रका अनुसार घरमा केही यस्ता वस्तुहरु छन् जसलाई घरमा राख्नाले कहिलै पनि धनको अभाव हुँदैन ।

पञ्चमुखी हनुमानको तस्विर ।
वास्तु शास्त्रका अनुसार घरको दक्षिण–पश्चिम दिशामा पञ्चमुखी हनुमानको तस्विर लगाउनाले घरमा कहिलै पनि पैसाको अभाव हुँदैन । यसका साथै हनुमानको यस्तो तस्विर घरमा राख्नाले घरमा सकारात्मक शक्तिको बास हुन्छ । जसले घरका परिवारमा शक्ति प्रदान गर्दछ ।

माटोको घडा ।
वास्तु अनुसार घरमा माटोको घडा राख्नु उत्तम मानिन्छ । यसले घरमा उत्पन्न गर्ने सकारात्मक उर्जाले कहिलै धनको अभाव हुन दिँदैन तर घडामा सँधै सफा पानी भरेर राख्नु पर्छ। किनभने खाली घडा घरमा राख्नु अशुभ मानिन्छ ।

वास्तुको प्रतिमा
वास्तु शास्त्रका अनुसार घरमा वास्तु दोष भएमा धनको अभाव हुने भनाइ रहेको छ । वास्तु दोष हटाउनका लागि घरमा वास्तु भगवानको प्रतिमा राख्नु उचित मानिन्छ । यसो गर्दा घरमा धनको अभाव दुर हुने वास्तु विश्वास रहेको छ ।

लक्ष्मी र कुवेरको प्रतिमा
वास्तु शास्त्रका अनुसार घरको मुल ढोकामा लक्ष्मी ,कुवेरको मुर्ती वा स्वस्तिकको चिन्ह राख्नु शुभ मानिन्छ । यो चिन्हले घरमा अभाव हुन दिँदैन ।

धातुले बनेको कछुवा
वास्तु शास्त्रका अनुसार घरमा शुभ वा सकारात्मक उर्जा पैदा गर्नका लागि धातुले बनेको कछुवा वा माछा राख्नु उचित मानिन्छ । जसले घरमा भएको आर्थिक अभाव शैकटलाई हटाउँछ र घरमा कहिलै आर्थिक अभाव हुँदैन ।

लाेक कल्याणकारी