अजय मिश्र/ कृष्णनगर कपिलवस्तु
मानव बेचबिखन विरुद्ध कृयाशिल रुपमा काम गर्दै आएको संस्था आफन्त नेपालले सचेतना मुलक कार्यक्रमहरु निरन्तर सन्चालन गर्दै आएको छ ।आफन्त नेपालले सिमा नाकामा रहि बिहान देखि बेलुका सम्म सिमा निगरानी गर्दै आएको छ र सयौ चेलिहरु उद्धार र पुनर्स्थापना गर्दै आएको छ ।कपिलवस्तु मा बिगत 2064 साल देखि मानब बेचबिखन बिरुद्ध काम गर्दै आएको यो सस्थाले उल्लेखनिय काम गरेको देखिन्छ । कयौ बेचबिखनको जोखिममा परेका चेलिहरुलाई सम्मानपूर्ण रुपमा उद्धार गरि उनिहरुको जिबनयापनमा सहज गराउन आफ्नो पुनर्स्थापना गृहको संरक्षणमा राखी उनिहरुलाई आत्मा निर्भर बनाउदै आएको छ ।

कयौ लथालिङ्ग घर परिवारमा मिलन बनाउन सफल भएको छ त धेरैको आँसु पुछ्न समेत सफल भएको छ । आफन्त नेपाल कपिलवस्तुको काम अत्यान्त सराहनिय रहेको छ यसले समुदायमा समेत सचेतनामुलक कार्यक्रमहरु संचालन गर्दै आएको छ कपिलवस्तुको बुद्धभुमी न.पा टिक्करमा सहकारी गठनमा समेत सहयोग गरि मानव बेचबिखन र लैङ्गिक हिंसा बिरुद्ध एकजुट बनाउदै आएको छ।

मानव बेचबिखनबिरुद्धको अभियानमा पुर्याउदै आएको योगदान र गरेको कामको उच्च मुल्यांकन गर्नै पर्छ जसको फलस्वरूप केही दिन अगाडी मात्र नेपाल सरकारको महिला बालबालिका तथा जेष्ठ नागरिक मन्त्रालय बाट उत्कृष्ट संस्थामा सम्मान पाईसकेको छ भने स्थानीय सरकारबाट पनि विभिन्न शाखाहरु पनि सम्मानित भैरहेको छ ।मानव बेचबिखनको यो अभियानमा नेपालमा मात्र नभई भारतीय एस.एस.बि हरुलाई समेत मानव बेचबिखन नियन्त्रणमा सहयोग तथा सिमामा हुने गतिविधिहरुमा निगरानी बढाई यस अभियानलाई सहयोग पुर्याउन का लागि आह्वान गर्दै आएको छ ।

यसै अभियानमा मानव बेचबिखन को पछिल्लो अबस्था र बोर्डरमा एस.एस.बि को भुमिका बारे सचेतनामुलक कार्यक्रममा सहभागी भै आफन्त नेपालले प्रशिक्षण समेत दिएको छ । कपिलवस्तुमा बिगत 3 बर्ष कार्यलाई हेर्ने हो भने उल्लेखनिय भुमिका खेलेको छ ,दर्जनौं दोषीहरु कानुनी कठघरामा उभिएका छन। यस अभियानमा पाएका सफलताहरु पछाडी सहयोग गर्ने स्थानीय सरकार ,स्थानीय प्रसासन र मिडियाहरुको अत्यन्त सहयोगका कारण मानव बेचबिखन न्यूनीकरणमा केही सफलता पाउन सकेको आफन्त नेपालका जिल्ला सयोजक केसर बिशकर्माले बताए ।

लाेक कल्याणकारी