गोबिन्द तिमिल्सिना, हेमजा । विष्णुपादुका माइस्थान पोखरा २५ हेमजामा आइतबार महायज्ञ सुरु भएको छ । माइस्थान परिसरमा ज्येष्ठ नागरिक मिलन केन्द्र निर्माण तथा पञ्चाङ्ग मन्दिर स्थापना गर्ने उद्देश्यका साथ सो यज्ञ सुरु गरिएको हो । आइतबारदेखि सुरु भएको यज्ञ असोज २० सम्म विष्णुपादुका माइस्थान प्राङगणमा हुने छ ।

श्रीमद्देवी भागवत् ज्ञान महायज्ञको हेमजा निवासी युवा पं. हरिशरण पौडेलले सुभारम्भ गरे । यज्ञको सुभराम्भ अघि हेमजाको याम्दीदेखि कलश सोभायात्रा निकालिएको थियो । याम्दीदेखि सुरु भएको यात्रा हेमजामा अबस्थीत माईस्थानमा पुगेर समापन गरिएको थियो । सोभा यात्रामा हेमजामा रहेका बिभिन्न भजन समुह, आमा समुहको साथमा सघं सस्थाको सहभागिता थियो ।

यज्ञ अन्तर्गत पहिलो दिन कलशयात्रा एवं पूर्वाङ्गको साथमा कथा बाचन गरिएको र असोज २० सम्म नियमित कथा प्रवचन, पाठपारायण, बेलपत्र अर्पण र आरती, प्रसादग्रहण, भजनकीर्तन गरी समापन गर्ने कार्यक्रम रहेको प्रचारप्रसार संयोजक कृष्णमान श्रेष्ठले जानकारी दिए।

सदस्य रमा त्रिपाठीले धन्यवाद ज्ञापन गरेको कार्यक्रममा इश्वरीय बिश्व बिद्यालय हेमजा उपशाखाका बिद्या दिज्जुले सस्कृति जोगाउन यस्ता यज्ञको आवश्यक रहेको बताइन । माईस्थान मन्दिर ब्यबस्थापन समितिका अध्यक्ष चुणामणी तिम्सिनाको अध्यक्षतामा भएको कार्यक्रममा स्वगत उपाध्यक्ष नर बहादुर सापकोटा र सञ्चालन तिलक तिमिल्सिनाले गरे ।

लाेक कल्याणकारी