पर्वत । जिल्लाको जलजला गाउँपालिकाले “उत्कृष्ट शिक्षक तथा विद्यार्थी सम्मान कार्यक्रम–२०८२” अन्तर्गत गाउँपालिकाका उत्कृष्ट शिक्षक तथा विद्यार्थीलाई सम्मान गरेको छ ।

आइतबार गाउँपालिकाको सभा हलमा आयोजना भएको कार्यक्रममा गाउँपालिकाका विद्यालयहरूमा कार्यरत शिक्षक तथा अध्ययनरत विद्यार्थीहरूको शैक्षिक उपलब्धि, अनुशासन, लगनशीलता र निरन्तर योगदानको मूल्याङ्कन गर्दै सम्मान प्रदान गरिएको हो । शिक्षाको गुणस्तर अभिवृद्धि र स्थानीय पाठ्यक्रमको प्रवद्र्धन कार्यक्रमको मुख्य उद्देश्य रहेको गाउँपालिकाका अध्यक्ष राजु प्रसाद आचार्यले बताउनुभयो ।

कार्यक्रमअन्तर्गत विद्यालयगत शैक्षिक नतिजाको समग्र विश्लेषण, स्थानीय पाठ्यपुस्तक “हाम्रो जलजला” (कक्षा १–८) को औपचारिक विमोचन, उत्कृष्ट शैक्षिक पुरस्कार वितरण, दीर्घसेवा पदक प्रदान तथा सेवा निवृत्त शिक्षकहरूको सम्मान गरिएको छ । साथै शिक्षा क्षेत्रमा उल्लेखनीय योगदान पु¥याएका व्यक्तित्वहरूलाई विशेष सम्मान समेत गरिएको छ । कार्यक्रमले शिक्षक तथा विद्यार्थीहरूको मनोबल उच्च बनाउँदै शिक्षामा प्रतिस्पर्धात्मक भावना, उत्तरदायित्व र गुणस्तरप्रति सकारात्मक सन्देश प्रवाह गरेको सहभागीहरूको भनाइ छ । यस किसिमका कार्यक्रमले स्थानीय तहमा गुणस्तरीय, समावेशी र दिगो शिक्षा विकासप्रतिको प्रतिबद्धता थप मजबुत हुने अपेक्षा गरिएको छ ।

लाेक कल्याणकारी