पर्वत । पर्वतको विहादी गाउँपालिकाको १८ औँ गाउँसभा सम्पन्न भएको छ । चालु आर्थिक वर्षको ६ महिनामा सम्पन्न गाउँसभाले झण्डै रु. दुई करोड बराबरको बजेट रकमान्तर गर्ने निर्णय पारित गरेको छ ।

यहि पुस ३ गते र ७ गते बसेको कार्यपालिका बैठकले गरेको निर्णय बमोजिम एक करोड ९८ लाख २१ हजार रुपैया रकम रकमान्तर गर्ने निर्णय गरिएको हो । चालु आर्थिक वर्षको लागि बिनीयोजन भएको बजेट मध्ये वडा स्तरमा संचालन हुन नसकेका र आवश्यक नदेखिका योजनावाट नयाँ योजनामा रकमान्तर गरिएको हो ।

यसैगरी पालिका र वडा स्तरमा रहेको संचित कोषको रकम मध्येवाट रु. एक करोड ५० लाख रुपैया संशोधन गरिएको विहादी गाउँपलिकाका अध्यक्ष परवीन गुरुङले जानकारी दिनुभयो । गुरुङका अनुसार कार्यपालिकाको सर्वसम्मत निर्णयवाट बिनीयोजन बिधेयक अन्तर्गत रकमान्तर र संशोधन प्रस्ताव दुवै पारित भएको हो । यसैगरी हालसम्मको भुक्तानीलाई अनुमोदन गर्ने निर्णय समेत गाउँसभाले गरेको छ ।

गाउँसभामा उपाध्यक्ष मिना शर्मा तिवारीले चालु आर्थिक वर्षको हालसम्मको खर्च विवरण र राजश्व संकलनको अवस्थाबारे जानकारी दिनुभयो । विहादी गाउँपालिकामा चालु आर्थिक वर्षमा बिनीयोजित बजेट मध्ये २३ दशमलब ६५ प्रतिशत खर्च भएको छ । चालु आर्थिक वर्षका लागि बिनीयोजन भएको रु. ४५ करोड ३२ लाख ७९ हजार रुपैया मध्ये हालसम्म ७ करोड ८२ लाख ४१ हजार रुपैया खर्च भएको उहाँले जानकारी दिनुभयो ।

यसैगरी गाउँपालिकामा हालसम्म रु. ११ लाख २४ हजार राजश्व संकलन भएको छ भने दहत्तर बहत्तर तर्फ रु. १८ लाख ७६ हजार रुपैया संकलन भएको उपाध्यक्ष तिवारीले जानकारी दिनुभयो ।

गत कात्तिकमा परेको बेमौसमी वर्षाले धानवालीमा पुर्‍याएको क्षतिपुर्ति दिनका लागि गाउँसभाले रु. १० लाख रुपैया बिनीयोजन गर्ने निर्णय गरेको छ । उक्त रकम कृषकहरुको क्षतिको आधारमा भुक्तानी दिईने भएको छ