​कुश्मा, पर्वत। नमुना आवासीय विद्यालयस्थित नमुना स्काउट ट्रुप कुश्माको आयोजनामा पर्वतको प्रसिद्ध धार्मिक तथा पर्यटकीय स्थल सहस्रधारा दिव्य धाममा बृहत् सरसफाई सेवा कार्य सञ्चालन भएको छ।

​परोपकारी भावनाका साथ आयोजना गरिएको यस कार्यक्रममा संस्थाका परिकल्पनाकार आदरणीय गुरूदेव श्री कमल नयन गौतम ज्यूको विशेष समुपस्थिति रहेको थियो। सरसफाई कार्यक्रममा विद्यालयका झण्डै ५५ जना विद्यार्थी र ५ जना शिक्षकहरूको उत्साहजनक सहभागिता रहेको थियो।

​कार्यक्रम विद्यालयका शिक्षक इन्चार्ज श्री जलन खत्रीज्यूले कार्यक्रमको संयोजकत्व गर्नुभएको थियो। ​व्यवस्थापन समितिको उपस्थिति रहेको थियो। उक्त सरसफाई कार्यमा सहस्रधारा दिव्यधाम ब्यबस्थापन समितिका अध्यक्ष श्री कृष्ण बहादुर क्षेत्री र सदस्यहरू राम बहादुर क्षेत्री तथा शिशिर क्षेत्री ज्यूहरूको पनि सक्रिय उपस्थिति रहेको थियो।

​धार्मिक र पर्यटकीय गन्तव्यहरूलाई सफा, स्वच्छ र चलायमान बनाउन स्थानीय व्यक्ति र संस्थाहरूको भूमिका महत्वपूर्ण रहने मर्मलाई आत्मसाथ गर्दै नमुना आवासीय माध्यमिक विद्यालय परिवारले गरेको यस सेवाभाव अर्पणप्रति सहस्रधारा दिव्यधाम ब्यबस्थापन समितिले धन्यवाद सहित साधुवाद अर्पण गरेको छ।

लाेक कल्याणकारी