रत्ननगर, साैराह। बर्ड एजुकेशन सोसाइटीको आयोजनामा आज रत्ननगरकाे चित्रसारी माध्यमिक विद्यालयमा अन्तर्राष्ट्रिय गिद्ध सचेतना दिवस मनाइएको छ। कक्षा ८, ९ र १० का विद्यार्थीहरुलाई लक्षित गरी आयोजित जनचेतनामूलक कार्यक्रममा गिद्धलगायत विभिन्न चराहरुको महत्व र संरक्षणका बारेमा जानकारी दिइयो।
कार्यक्रममा बर्ड एजुकेशन सोसाइटीका अध्यक्ष विजय गिरी, कोषाध्यक्ष चन्द्रमनी गौली, पूर्वअध्यक्ष तथा नेपालका पंक्षी विज्ञ बासु बिडारीको उपस्थिति थियो। कार्यक्रममा प्रस्तुतकर्ता समेत रहेका बासु बिडारीले गिद्धलाई ‘प्रकृतिको सरसफाइ टोली’ भन्दै यसको संरक्षणमा सबैको भूमिका आवश्यक रहेको बताए।
चन्द्रमनी गाैलीले आजकाे कार्यक्रमकाे सम्पुर्ण प्राविधिक ब्यवस्थापन गर्नुभएकाे थियाे ।
सो अवसरमा बर्ड एजुकेशन सोसाइटीका अध्यक्ष विजय गिरीले भने, “गिद्ध मात्र होइन, सम्पूर्ण चराचुरुङ्गी संरक्षणमा विद्यालय स्तरमै चेतना फैलाउन जरुरी छ। विद्यार्थी नै भविष्यका जिम्मेवार नागरिक भएकाले उनीहरुको सक्रियता र समझदारीले आगामी पुस्ताको लागि प्रकृति सन्तुलन कायम गर्न मद्दत पुर्याउनेछ।”
विद्यार्थीहरुले कार्यक्रममा सक्रिय सहभागिता जनाउँदै गिद्ध संरक्षण तथा चराचुरुङ्गीप्रति सकारात्मक दृष्टिकोण अपनाउने प्रतिबद्धता जनाएका थिए।
कार्यक्रममा बिध्यालय ब्यवस्थापन समितीका अध्यक्ष ,शिक्षक बिध्यार्थीकाे भब्य उपस्थिति रहेकाे थियाे ।
