शिशिर,पोखरा । गणित शिक्षा परिषद् कास्कीको आयोजनामा कास्की जिल्लाका ऐच्छिक गणित शिक्षकहरूलाई लक्षित गरी नमुना प्रश्न तथा शिक्षक अभिमुखिकरण कार्यक्रम सम्पन्न भएको छ ।

कार्यक्रममा सहभागी शिक्षकलाई ऐच्छिक गणित पाठ्यक्रमको विशिष्टीकरण तालिका तथा नमुना प्रश्नको ढाँचा र निर्माण विधि सम्बन्धी विस्तृत जानकारी दिईएको थियो । कार्यक्रममा सहजकर्ता डी.आर.सिम्खडाले शिक्षकलाई पाठ्यक्रम सम्बन्धी प्राविधिक पक्षमा मार्गदर्शन गर्दै विशिष्टीकरण तालिका र प्रश्न निर्माणमा व्यावहारिक अभ्यास गराउनुभएको थियो ।

यसअघि कार्यक्रमको उद्घाटन गर्दै शिक्षा विकास तथा समन्वय एकाइ कास्कीका प्रमुख लोेकनाथ आचार्यले प्रशिक्षणको महत्व औंल्याउँदै शिक्षकले पाठ्यपुस्तक पढ्नु अघि पाठ्यक्रमलाई गहिराइ पूर्वक अध्ययन गर्न आवश्यक भएको औल्याउनु भयो। उहाँले विद्यार्थीहरूले गणितलाई कठिन विषयका रूपमा बुझ्ने मानसिकता तोड्न आवश्यक भएको बताउँदै आचार्यले अनलाइन प्लेटफर्म, सरकारी शैक्षिक पोर्टल र विश्वव्यापी स्रोतहरूलाई अध्ययन–अध्यापन प्रक्रियामा प्रभावकारी रूपमा प्रयोग गर्न शिक्षकहरूलाई सुझाव दिनुभयो। उक्त कार्यक्रममा कास्की जिल्लाका ऐच्छिक गणित विषयका शिक्षकहरूले सहभागिता जनाएको परिषद्का सुचना तथा संचार संयोजक जयराम पौडेलले जानकारी दिनुभयो।

परिषद् कास्कीका अध्यक्ष को अध्यक्षतामा भएको कार्यक्रममा स्वागत परिषद् कास्कीका उपाध्यक्ष भूमिराज अधिकारी र सञ्चालन जिल्ला सचिव ध्रुव पौडेलले गर्नुभएको थियो । रिडमोर पब्लिकेशनको सहयोगमा कार्यक्रम भएको थियो।

लाेक कल्याणकारी