शिशिर उजाड,पोखरा। पोखराको बाटुलेचौरस्थित पोखरा एकेडेमी स्कुलले अभिभावकसँग अन्तर्क्रिया गरेको छ । नयाँ शैक्षिक सत्र शुरु भईसकेको अवस्थालाई केन्द्रित गरी कक्षा ६ र ७ मा अध्ययन गर्ने विद्यार्थीका अभिभावकसँग भएको अन्तर्क्रियामा विद्यालयले विद्यार्थी केन्द्रित गुणस्तरीय शिक्षाको लागि यस शैक्षिक सत्रमा तय गरेका योजनाको जानकारी दिएको हो। सो अवसरमा अभिभावकबाट प्राप्त सुझावलाई समेत योजनामा समेटेर विद्यालय शिक्षालाई थप गुणस्तरीय बनाईने सहायक प्रिन्सिपल तीर्थ तामाङले जानकारी दिनुभयो।

भेलामा विद्यालयका प्रिन्सिपल महेन्द्र गुरुङले विद्यार्थीको शैक्षिक गुणस्तर सुधारका लागि अभिभावकसँगको निरन्तर समवन्य आवश्यक रहेको बताउँदै, पारिवारिक वातावरण पनि वालवालिका केन्द्रित हुनुपर्नेमा जोड दिनुभयो। उहाँले विद्यालयको शिक्षा गुणस्तरीय बनाउन अभिभावकबाट आएका उपयुक्त सुझावलाई कार्यन्वयन गरिने उल्लेख गर्नुभयो। अभिभावक ओम थापाले शैक्षिक गुणस्तर सुधारका लागि अभिभावकको भुमिका पनि महत्त्वपूर्ण हुने बताउँदै वालवालिकालाई घरमा पनि शैक्षिक वातावरण उपलब्ध गराउनुपर्नेमा जोड दिनुभयो।

शिक्षिका शीलादेवी पौडेलले विद्यालयको शैक्षिक तालिका र विद्यालयले अपनाएका असल अभ्यासका विषयमा जानकारी दिनुभयो। अन्तर्क्रियामा सहभागी अधिकांश अभिभावकले बेला बेलामा यस्ता कार्यक्रम गरी अगाडि बढ्न सुझाव दिए। विद्यालयले यसअघि जुनियर सेक्सनका अभिभावकसँग अन्तर्क्रिया गरेको थियो।

लाेक कल्याणकारी