शिशिर,पोखरा ।पोखराको मोहोरीया टोलमा रहेको विन्ध्येश्वरी आदर्श बोर्डिङ्ग स्कूलमा कक्षागत रूपमा कक्षाकोठा सजावट प्रतियोगिता सम्पन्न भएको छ। कक्षाकोठालाई सिकाई मैत्री तथा शैक्षिक वातावरणमय बनाउन गरिएको प्रतियोगितामा कक्षा १ देखि कक्षा १० सम्मका विद्यार्थीले सहभागिता जनाएका थिए। उक्त कार्यक्रममा कक्षा १ देखि कक्षा ३ सम्मको पहिलो तहमा कक्षा २ प्रथम भएको छ ।
कक्षा ४ देखि कक्षा ७ सम्मको दोस्रो तहमा कक्षा ६ प्रथम भएको छ भने कक्षा ८ देखि कक्षा १० सम्मको तेस्रो तहमा कक्षा ८ ले प्रथम स्थान प्राप्त गरेको छ ।
प्रतियोगिताको नतिजा सार्वजनिक गर्दै विद्यालयका प्राचार्य कृष्ण कुमार श्रेष्ठले अतिरिक्त क्रियाकलापले विद्यार्थीको लुकेको प्रतिभा उजागर हुने बताउनुभयो। प्रतियोगितामा उत्कृष्ट भएका कक्षालाई निर्णायक समितिका सदस्य होमराज अधिकारी र शान्ति रानाले पुरस्कार वितरण गर्नुभएको थियो।
विद्यार्थी तथा विषयगत शिक्षकको सयुक्त प्रयासबाट पाठ्यपुस्तकमा भएका सिकाई क्रियाकलापहरुको विभिन्न सामाग्री निमार्ण गरि कक्षा सजावट गरिएको थियो ।
