शिशिर,पोखरा ।पोखराको बाटुलेचौरस्थित विन्ध्यवासिनी माध्यमिक विद्यालयमा निर्वाचन प्रक्रिया मार्फत विभिन्न पदमा विद्यार्थी प्रतिनिधी चयन भएका छन् ।

संघीय निर्वाचनको नै झल्को दिने गरि भएको निर्वाचनवाट विद्यालय क्याप्टेनमा फुटवल चुनाव चिन्ह लिएर मैदानमा उत्रिएका विद्यार्थी करुणा आचार्यले ३ सय ८२ मत प्राप्त गर्दै विजयी भईन । उनका निकट्तम प्रतिद्वन्दी विजय अधिकारीले २ सय ७३ मत प्राप्त गरे । उप क्याप्टेनमा चरो चुनाव चिन्ह लिएर मैेदानमा उत्रिएका विश्वास पोखरेलले ३ जना प्रतिस्पर्धीलाई पाखा लगाउँदै निर्वाचित भए ।

उनले २ सय ५३ मत प्राप्त गरे ।उप क्याप्टेनमा प्रतिस्पर्धा गरेका सन्दिपा थापाले २ सय ७, रिकान्त शर्माले १ सय १५ र प्रतिक गौतमले ४७ मत प्राप्त गरेको मुख्य निर्वाचन आयुक्तको जिम्वेवारी सम्हालेका सामाजिक विषयका शिक्षक कृष्ण प्रसाद पौडेलले जानकारी दिए । वाल क्लवको अध्यक्षमा प्रत्याशी प्रशिका गुरुङलाई ९१ मतले पछि पार्दै प्रशाान्त थापा निर्वाचित भए । उनले ३ सय ६१ मत प्राप्त गरे । त्यसैगरी जुनियर रेडक्रस सर्कलको अध्यक्षमा ३ जनाले प्रतिस्पर्धा गरेकोमा ३ सय ४ मत प्राप्त गरी लक्ष्मी गुरुङ निर्वाचित भईन् ।अर्का प्रत्यासी संघर्ष बानियाँले २ सय १५ र बिप्रेशा भट्टराई १ सय १ मत प्राप्त गरी पराजित भईन् ।

कक्षा ४ देखि १० सम्मका सात सय पचपन्न जना विद्यार्थी मतदाताले भाग लिएको सो निर्वाचनमा कुल ६ सय ६९ मत खसेकोे मुख्य निर्वाचन आयुक्त जयराम पुनले वताए । विहान ११ वजेवाट शुरु भएको मतदान दिउँसो २ वजेसम्म चलेको थियो ।मतदान लगत्तै खट्टिएका विद्यार्थी पर्यवेक्षक, सुरक्षाकर्मि र प्रत्यासीका प्रतिनिधीको रोहवरमा मुचुल्का गरी कडा सुरक्षा घेराका विच मतगणना गरिएको थियो । ३ वटा मतदान केन्द्रमा मतदान अधिकृत र सहायक मतदान अधिकृतका रुपमा १६ जना विद्यार्थी खट्टिएका थिए ।निर्वाचनमा विद्यालय क्याप्टेन तर्फ २ जना, उप क्याप्टेनमा ४ जना,वाल क्लवको अध्यक्षमा २ जना र रेडक्रस सर्कलको अध्यक्षमा ३ जना गरी ४ पदका लागी ११ जना चुनावी प्रतिस्पर्धामा उत्रिएका थिए ।

विद्यालयको पाठ्यक्रममा नै निर्वाचन र मतदानका विषय समावेश भएकाले पनि प्रयोगात्मक अभ्यासको रुपमा निर्वाचन प्रणाली मार्फत नै पदाधिकारी चयन गरिएको प्रधानाध्यापक कृष्णप्रसाद आचार्यले वताए । नवनिर्वाचित पदाधिकारीलाई सहायक प्रधानाध्यापक रामबहादुर बानियाँ, मुख्य निर्वाचन आयुक्त कृष्णप्रसाद पौडेल, जयराम पुन, बाल क्लव संयोजक तारा अधिकारी, शिक्षक महेन्द्र प्रसाद पौडेलले सपथ गराए ।

निर्वाचनमा सुरक्षाकर्मि, पत्रकार, पर्यवेक्षक, एजेन्ट, स्वयंसेवक र निर्वाचन कर्मचारीको रुपमा विद्यार्थी नै खट्टिएका थिए । यसअघि गत वुधवार मनोनयन दर्ता गरी उम्मेदवारी दिएका प्रत्यासीले विद्यार्थी मतदाताका विच आफना प्रतिबद्घता सार्वजनिक गरेका थिए । मतपत्र वाहेक निर्वाचनका आवस्यक सामाग्री भने निर्वाचन कार्यालय कास्कीले सहयोग गरेको थियो ।

लाेक कल्याणकारी