पर्वत । १८औं गणतन्त्र दिवसको अवसरमा प्रेस चौतारी नेपाल पर्वत शाखाले बडागाउँस्थित पुष्पलाल स्मृति प्रतिक्षालय तथा झोलुङ्गे पुल परिसरमा सरसफाइ कार्यक्रम सम्पन्न गरेको छ। समाजमा सकारात्मक सन्देश फैलाउन र पत्रकारिता मात्र बोल्ने तथा लेख्ने माध्यम नभई समाजसँग प्रत्यक्ष जोडिनुपर्छ भन्ने उद्देश्यले उक्त कार्यक्रम गरिएको हो।
कार्यक्रममा प्रमुख अतिथि प्रेस चौतारी नेपाल गण्डकी प्रदेश इन्चार्ज गणेश पौडेल, विशिष्ट अतिथि नेकपा एमाले पर्वतका सचिव सुवास चन्द्र पौडेल, जिल्ला सचिवालय सदस्य इश्वर गिरी, कुश्मा नगर कमिटी अध्यक्ष किशोर सापकोटा, सचिव जित बहादुर विश्वकर्मा, नेपाल पत्रकार महासंघ पर्वतका अध्यक्ष तथा प्रेस चौतारीका पूर्व अध्यक्ष लक्ष्मण सापकोटा, प्रेस चौतारीका पूर्व अध्यक्ष कृष्ण अखेली ,सञ्चारिका समूह पर्वतकी अध्यक्ष रञ्जना खत्री लगायत विभिन्न पत्रकार तथा सामाजिक व्यक्तित्वहरूको उपस्थिति रहेको थियो।
नेपाल प्रेस युनियनका उपाध्यक्ष विष्णु गौतम, , नेकपा एमाले जिल्ला सदस्य पवित्र श्रेष्ठ,अनेमसंघ कुश्मा नगर कमिटीकी अध्यक्ष शिताशु गिरी, सचिव विमला परियार, सदस्य शिव गिरी, अनेमसंघ सदस्य शान्ति लामिछाने, गायक सुदीप क्षेत्री तथा प्रेस चौतारी पर्वतका सदस्य शिव पौडेललगायतको सहभागिता रहेकाे थियाे । पर्वत कैया झाेलुङ्गे पुल वरपर सरसफाइ गरिएकाे थियाे ।
प्रेस चौतारी नेपाल, जिल्ला शाखा पर्वतका अध्यक्ष दिपेश वि पाेख्रेलकाे अध्यक्षतामा सम्पन्न कार्यक्रमकाे सञ्चालन सचिव दुर्गा पाैडेलले गर्नुभएकाे थियाे ।
