पर्वत,। नेपाल प्रेस युनियनको ३४ औं स्थापना दिवसको अवसरमा गुप्तेश्वर गुफामा आयोजना गरिएको ूपर्यटन प्रवर्द्धन र प्रेसको भूमिकाू विषयक विचार गोष्ठी सफलतापूर्वक सम्पन्न भएको छ।
कार्यक्रममा बोल्दै प्रमुख अतिथी नेपाली कांग्रेसका केन्द्रीय सदस्य तथा संविधानसभा सदस्य अर्जुनप्रसाद जोशीले पत्रकारिता पेसाप्रति समाजले उच्च सम्मान दर्शाउने उल्लेख गर्दै पत्रकारहरूलाई सधैं सकारात्मक दृष्टिकोणबाट कलम चलाउन आग्रह गर्नुभयो। उहाँले देश निर्माण र पर्यटन प्रवर्द्धनमा सबै पक्ष मिलेर लाग्नुपर्ने आवश्यकता औंल्याउनुभयो।
कार्यक्रममा नेकपा एमालेका जिल्ला अध्यक्ष गोबिन्द पाहाडी, नेपाली कांग्रेसका उपसभापति शिव शर्मा सुवेदी, नेकपा माओवादीका प्रदेश सदस्य शंकर गिरी, नेपाल पत्रकार महासंघका केन्द्रीय सदस्य छबीलाल तिवारी, प्रेस युनियनका संस्थापक अध्यक्ष ओमप्रसाद धायल, महासंघका अध्यक्ष लक्ष्मण सापकोटा, प्रेस युनियनका केन्द्रीय सदस्य दोहे माया अधिकारी, साजन परियारलगायतले गुप्तेश्वर गुफालाई धार्मिक तथा पर्यटकीय हबको रूपमा विकास गर्नुपर्ने धारणा व्यक्त गर्नुभयो।
साता व्यापी कार्यक्रमअन्तर्गत गोष्ठीको दोस्रो दिन गुप्तेश्वर गुफाको प्रचारप्रसार गर्दै पर्यटक आकर्षण गर्ने उद्देश्यले कार्यक्रम गरिएको आयोजकले जानकारी दिएको छ।
प्रेस युनियनका अध्यक्ष उत्तम अधिकारिको अध्यक्षतामा सम्पन्न कार्यक्रममा स्वागत उपाध्यक्ष विष्णु गौतमले गर्नुभएको थियो भने कार्यक्रम सञ्चालन सचिव सुमन जंग थापाले गर्नुभएको थियो।
