पोखरा। पोखरा महानगरपालिका–१७ स्थित बिरौटामा सञ्चालन भइरहेको ऐतिहासिक श्री गण्डकी कोटिहोम महायज्ञ मा नेपालका सुप्रसिद्ध कथा वाचक आचार्य श्री शितल कृष्ण जी महाराज र चर्चित प्रवचनकर्ता सुप्रिया किशोरी को आगमन भएको छ।

श्री मानव सेवा फाउण्डेसन नेपालको आयोजनामा भइरहेको यस महायज्ञमा आचार्य शितल कृष्ण महाराजले बैशाख ४, ५ र ६ गते विभिन्न आध्यात्मिक विषयमा प्रवचन गर्ने कार्यक्रम रहेको जानकारी आयोजक संस्थाले दिएको छ। साथै सुप्रिया किशोरी जीले पनि भोलिदेखि नियमित रुपमा प्रवचन दिने कार्यक्रम तय गरिएको छ।

यसैबीच, महायज्ञको पूर्वसन्ध्यामा चैत्र २९ गतेदेखि प्रगतिटोल, बिरौटामा वाल बिदुषी अनुराधा पाण्डेय ज्यूद्वारा श्रीमद्भागवत कथा वाचन भइरहेको छ, जसको बिदाई कार्यक्रम भोलि सम्पन्न हुने बताइएको छ। सोही दिन चर्चित कथा वाचिका देवी प्रतिभाको समेत आगमन हुने कार्यक्रम रहेको छ।

यस धार्मिक समारोहमा भक्तजनहरूको उत्साहजनक सहभागिता देखिएको छ। साथसाथै देश–विदेशका सन्त–महन्त, जनप्रतिनिधि तथा समाजका प्रतिष्ठित व्यक्तिहरूको समेत उल्लेखनीय उपस्थिति रहेको आयोजकले जनाएको छ।

लाेक कल्याणकारी