पोखरा।  पोखरा महानगरपालिका–१७, बिरौटामा सञ्चालन भइरहेको ऐतिहासिक श्री गण्डकी कोटिहोम महायज्ञ विधिपूर्वक अगाडि बढिरहेको छ। यही बैशाख १७ गतेदेखि औपचारिकरूपमा सुरु हुने महायज्ञको पूर्वसन्ध्यामा श्रीमद्भागवत कथा प्रवचन कार्यक्रम जारी छ, जुन गत चैत्र २९ गतेदेखि सुरु भएको हो।

पछिल्ला ६ दिनदेखि बालविदुषी अनुराधा पाण्डेयद्वारा संगीतमय श्रीमद्भागवत कथा प्रवचन भव्यरूपमा सञ्चालित भइरहेको छ। भोलि उनको कथा प्रवचन समापन हुँदैछ र यससँगै उनलाई विशेष समारोहबीच विदाई गरिने आयोजकले जनाएको छ।

यसैक्रममा, भोलि नै प्रख्यात कथा वाचिका देवी प्रतिभा जीको पोखरामा आगमन हुने कार्यक्रम पनि तय भइसकेको छ। उहाँ आज नै काठमाडौंबाट प्रस्थान गरिसक्नुभएको र भोलि बिहान पोखरा पुग्ने कार्यक्रम रहेको महायज्ञका संकल्पकर्ता वालयोगेश्वर विजय श्रीकृष्ण मूर्ती जी महाराजले जानकारी दिनुभएको छ।

भोलिको कार्यक्रमअनुसार:

बिहान १० बजे अनुराधा पाण्डेयद्वारा अन्तिम कथा प्रवचन

दिउँसो २ बजे बिरौटामा देवी प्रतिभाको भव्य स्वागत कार्यक्रम

यस विशेष दिनको साक्षी बन्नका लागि सम्पूर्ण पोखराबासीहरुलाई उपस्थित भई कार्यक्रमलाई सफल बनाउन आयोजक समितिले अनुरोध गरेको छ।

लाेक कल्याणकारी