गोबिन्द,पर्बत। गोदाम युथ क्लबको आयोजनामा नयाँ बर्ष २०८२ को पावन अवसरमा १ गते देखी ४ गतेसम्म कुश्मा नगरपालिका वडा नं ७ मा अवस्थित गोदाम स्थित खेलमैदानमा संचालन हुने दोस्रो खुल्ला “सेभेन ए साईड” फुटबल प्रतियोगिताको आज पहिलो दिनको दोस्रो खेलमा जिल्ला प्रहरी कार्यालय, पर्वत र श्री सशस्त्र प्रहरी बल, नेपाल नं. २५ गण हे.क्वा. चण्डिका गणका बीच भएको फुटबल प्रतियोगितामा जिल्ला प्रहरी कार्यालय, पर्वत २-१ गोलले बिजयी भयो ।

खेल निकै नै प्रतिस्पर्धात्मक तथा रोमाञ्चक भएको थियो । उक्त फुटबल प्रतियोगितामा जिल्ला प्रहरी कार्यालय, पर्वतको फुटबल टोलीको नेतृत्व प्रहरी नायव उपरीक्षक रविन विष्टले गर्नुभएको थियो भने श्री सशस्त्र प्रहरी बल, नेपाल नं. २५ गण हे.क्वा. चण्डीका गणको फुटबल टोलीको नेतृत्व सशस्त्र प्रहरी सहायक निरीक्षक ईन्द्र बहादुर रोकाले गर्नुभएको थियो ।

उक्त फुटबल प्रतियोगिताको पहिलो हाफमा नै जिप्रका पर्वतले २-० गोल अन्तरले अग्रता बनाएको थियो । दोस्रो हाफको शुरुवाती चरणबाटै सशस्त्र प्रहरीको टोलीले गोल फर्काउने प्रयास गरेता पनि खेलको अन्तिम समयमा सान्त्वना १ गोल फर्काउन सफल भएको थियो र खेल जिल्ला प्रहरी कार्यालय, पर्वत २-१ गोल अन्तरले विजयी हुदै अघिल्लो चरणमा प्रवेश गरेको छ । त्यस्तै पहिलो खेलमा हेजल आईज ले कैया फुटबल टिमलाई ४-१ गोल ले हराउदै अघिल्लो चरणमा प्रवेश गरेको क्लबका अध्क्षय निर्माण खांडले हाम्रो सूचनाकेन्द्र डट कम लाई बताउनु भयो ।

लाेक कल्याणकारी