सुचनाकेन्द्र संवाददाता प्रकाशित : २०८१/१२/२७ गते
पर्वत। प्रहरी कार्यालय हुवास पर्वतले चैत २६ गते जिल्ला पर्वतको पैँयू गाउँपालिका वडा नं ४ हातेमालो चोकमा आत्महत्या न्यूनीकरण सम्बन्धी सचेतनामूलक कार्यक्रम सम्पन्न गरेको छ।
स्थानीय बासिन्दाहरुको उपस्थितिमा सम्पन्न भएको उक्त कार्यक्रममा आत्महत्याका कारणहरु, यसबाट बच्ने उपायहरु र मानसिक स्वास्थ्यको महत्वबारे जानकारी गराइएको थियो। प्रहरीले आत्महत्याको जोखिममा रहेका व्यक्तिहरुलाई सहयोग गर्न सकिने विभिन्न माध्यमहरुबारे पनि सहभागीहरुलाई अवगत गराएको थियो।
यस सचेतनामूलक कार्यक्रमले समुदायमा आत्महत्या न्यूनीकरण सम्बन्धी सकारात्मक सन्देश प्रवाह गर्न मद्दत पुग्ने विश्वास लिइएको छ।
