पर्वत। सशस्त्र प्रहरी बल नेपाल नं। २५ गण हेडक्वाटर चण्डिका पर्वतको २३ औँ स्थापना दिवस विभिन्न कार्यक्रम सहित सम्पन्न भएको छ ।स्थापना दिवसको विशेष समारोहलाई सम्वोधन गर्दै सशस्त्र प्रहरी बल नेपाल नं। ४ मुक्तिनाथ बाहिनी मुख्यालय कास्कीका बाहिनीपति सशस्त्र प्रहरी नायब महानिरिक्षक कुलबहादुर नेम्वाङले मुलुकको समग्र सुरक्षासँगै शान्ति सुरक्षा र अमनचयन कायम गर्नका लागि शसस्त्र प्रहरी बलले महत्वपुर्ण भूमिका निर्वाह गर्दै आएको बताउनुभयो ।
विपद् व्यवस्थापन र उद्धार तथा राहतमा शसस्त्र प्रहरीले अब्बल रुपमा काम गरेको भन्दै अझै व्यावसायिक बन्नका लागि निर्देशन समेत दिनुभयो । नागरिकको सेवा र सुरक्षाका लागि अझै सक्रियता बढाउन उहाँको आग्रह छ ।
बर्षिकोत्सवमको अवसरमा विभिन्न खेलकुद प्रतियोगिता, सांस्कृतिक प्रतियोगितामा बिजयी हुने शसस्त्र प्रहरीहरुलाई पुरस्कार, प्रमाणपत्र तथा सम्मान गरिएको थियो । त्यसैगरी हेडक्वाटर संचालनमा विभिन्न क्षेत्रवाट योगदान पुर्याउने समाजसेवी, ठेकेदार, निर्माण व्यावसायीलाई कदर पत्रले सम्मान गरिएको थियो भने शहिल परिवारका सदस्यहरुलाई समेत दोसल्ला ओढाएर सम्मान गरिएको थियो ।
२०५८ सालमा तत्कालीन द्धन्द्धकालकै समयमा पर्वतमा गण स्थापना भएको हो । स्थापनाकालदेखिनै विशेषगरी दैविप्रकोप, बाढी, पहिरो, लगायतका विपदजन्य घटनामा तत्काल राहत र उद्धारमा शसस्त्रले अग्रणी भूमिका निर्वाह गर्दै आएको छ ।
कार्यक्रममा जिल्ला समन्वय समिति पर्वतका प्रमुख विष्णुराम विक, कुश्मा नगरपालिकाका प्रमुख रामचन्द्र जोशी, फलेवास नगरपालिकाका प्रमुख गंगाधर तिवारी, मोदी गाउँपालिकाका अध्यक्ष हिरादेवी शर्मा लगायत जनप्रतिनिधि, प्रमुख जिल्ला अधिकारी हरिप्रसाद घिमीरे लगायत कर्मचारी, अन्य सुरक्षा निकाय, पत्रकार तथा शहिद परिवारका सदस्यहरुको सहभागिता रहेको थियो ।
कार्यक्रममा धन्यवाद मन्तब्य गणपति सशस्त्र प्रहरी उपरिक्षक करणसिंह धामिले राख्नुभएको थियो भने संचालन सशस्त्र प्रहरी निरिक्षक रामचन्द्र खड्काले गर्नुभएको थियो ।
