पर्वत। ज्यान मुद्दामा दोषी ठहरिएका दुई जनालाई पर्वत प्रहरीले ३७ बर्षपछि पक्राउ गरेको छ । महाशिला गाउँपालिका वडा नम्बर ५ घर भई ३७ बर्षदेखि फरार ६२ बर्षिय तेजबहादुर गुरुङ र ५७ बर्षिय गम्भिर गुरुङलाई प्रहरीले पक्राउ गरेको हो ।

तेजबहादुर ललितपुर र गम्भिर भैरहवाबाट पक्राउ परेका हुन । ७ फागुन २०४४ मा तेजबहादुरसहित अन्य सात जनाले साविक कुर्घा गाविसका रामबहादुर गुरुङलाई लाठी र चक्कु प्रहार गरी हत्या गरेका थिए । हत्यापछि शव खोल्सामा फ्याकेर फरार थिए । घटनामा संलग्न सातै जनालाई पर्वत जिल्ला अदालतले ०५८ असार १३ गते जनही १० बर्षको कैद सजाय सुनाएको थियो ।

गम्भिरले रुपन्देहीको मायादेवी गाउँपालिका वडा नम्बर ८ स्थित बसडिलवामा निजि बिद्यालय सञ्चालन गरेर बसेको पाइएको छ । उनी फागुन २५ गते रुपन्देहीबाटै पक्राउ परेका हुन । तेजबहादुरले भने ललितपुरमा ज्यालादारी काम गर्दै आएको पाइएको जिल्ला प्रहरी प्रमुख रविन बिष्टले जानकारी बताउनुभयो । तेजबहादुर ललितपुरको महालक्ष्मी नगरपालिका वडा नम्बर ८ लुभुबाट पक्राउ परेका हुन ।

दुवै जनालाई सजाय भुक्तानीको ्लगि जिल्ला कारागार पर्वत चलान गरिएको प्रहरी निरिक्षक रामप्रसाद सापकोटाले जानकारी दिनुभयो। यो घटनामा दोषी ठहर भएका तेजबहादुर र गम्भिर पक्राउ गर्नका लागि ठुलै मेहनत भएको प्रहरी निरिक्षक निरबहादुर बानियाँले बताउनुभयो । ‘हामीले धेरैदिनसम्म रातीसम्मै घटना अध्ययन गरेर दोषीलाई फेला पारेका हौ’ बानियाँले भन्नुभयो । पर्वत प्रहरीले पुराना मुद्दाका दोषीहरु पक्राउ गर्न प्राथमिकता दिएर अभियान चलाइरहेको छ

लाेक कल्याणकारी