पर्वत। पर्वतका क्रियाशिल पत्रकार लाई नेपाल प्रेस युनियन पर्वत शाखाको आयोजनामा १ दिने फोटोग्राफी तालिम दिएको छ । पत्रकारहरुलाई सक्षम, आत्मनिर्भर, र प्रविधिसँग अपडेट बनाउन र उनीहरुबाट तयार गरिने समाचारलाई अझ प्रभावकारी र आकर्षक बनाउने उदेश्यले उक्त तालिमको आयोजना गरिएको हो ।
कार्यक्रमको उद्घाटन गदै प्रमुख अतिथी प्रेस युनियन पर्वतका सस्थापक एवम नेपाल पत्रकार महासघंका पुर्व अध्यक्ष ओमप्रसाद घायलले पत्रकारीताको मध्याम बाट समाजमा रहेका सत्य तथ्य बिषय बस्तुलाई उठान गर्नु पत्रकारको धर्म भएको बताउदै यस्ता प्रकारका तालमिले श्रब्य दृश्यको क्षेत्रमा अझ निखारता ल्याउने बताउनुभयो ।
कार्यक्रममा बोल्दै पत्रकार महासघं गण्डकी प्रदेशका उपाध्यक्ष माया अधिकारीले यहिलेको आधृनिक युगमा नयाँ प्रबिधि सग परिचित गराउन यस्ता तालिमको आवस्यकता रहेको बताउदै उक्त तालिमको आयोजना गरेकोमा प्रेस युनियन जिल्ला शाखा पर्वतलाई धन्यबाद ज्ञापन गर्नुभयो ।
कार्यक्रममा बोल्दै पत्रकार महासघं पर्वतका अध्यक्ष लक्ष्मी प्रसाद सापकोटाले फोटोग्राफी हेर्दा सामान्य भएपनि यसलाई राम्रो सगँ ज्ञान हासिल गर्न सके अहिलेको युगमा निकै प्रभावकारी हुने बाउनुभयो ।
प्रेस युनियन जिल्ला शाखा पर्वतका अध्यक्ष उत्तम अधिकारीको अध्यक्षतामा सम्पन्न कार्यक्रममा प्रेस युनियन जिल्ला शाखा पर्वतका उपाध्यक्ष बिष्णु गौतमले स्वागत र सञ्चालन सचिव सुमन जगं थापाले गर्नुभएको थियो । तालिममा पर्वतका बिभिन्न राष्ट्रिय तथा स्थानिय मिडिया का १५ जना क्रियाशिल पत्रकार सहभागी भएका थिए ।
