पर्वत । प्रगतिशील लेखक संघ पर्वतको सातौँ जिल्ला अधिबेशन आज सम्पन्न भएको छ। शताब्दी घर कुस्मामा सम्पन्न अधिवेशनले अध्यक्षमा आनन्द रिमाल,उपाध्यक्ष सन्तोष पौडेल,सचिव निर्मल पौडेल,सह सचिव दिवाकर अधिकारी,कोषाध्यक्ष रन्जना खत्री र सदस्यहरू लक्ष्मण बिसि र राजकुमार बिक लाई निर्विरोध चयन गरेको हो।
अधिवेशनको उद्घाटन सत्रमा ने क पा एमाले पर्वत जिल्ला अध्यक्ष गोविन्द पहाडी,प्रलेस पूर्व सचिव किशोर साप्कोटा,पूर्व केन्द्रीय सदस्य अर्जुन पौडेल निर्जन,एकीकृत अखिल नेपाल शिक्षक सँगठन पर्वतका अध्यक्ष भागिरथ अधिकारी, प्रदेश अस्पताल सञ्चालन समिति अध्यक्ष शकर गिरी,यज्ञप्रसाद शर्मा,प्रनिश गिरी,लगाएतले मन्तब्य राख्नुभएको थियो । कार्यक्रममा बोल्ने बक्ताहरुले रचना तथा सिर्जनाहरु प्रगतिशील हुनुपर्नेमा जोड दिनुभएको थियो ।
प्रगतिशील लेखक संघ पर्वतका पूर्व अध्यक्ष किशोर मनस्वीको अध्यक्षता सम्पन्न कार्यक्रमको सञ्चालन पूर्व सचिव आनन्द रिमालले गर्नुभएको थियो ।
